2020 оны УИХ-ын сонгуульд дэвшүүлсэн МАН-ын мөрийн хөтөлбөрөөс “Хүүхэд хамгаалал, хөгжлийн чиглэлээр” дэвшүүлсэн мөрийн хөтөлбөрийг Амлалт.мн сайт эргэн сануулж байна.
2020 оны УИХ-ын сонгуулиар МАН парламентад олонхи болж, Засгийн газраа байгуулан ажиллаж 3 жилийн нүүрийг үзэж байна. Ирэх оны сонгууль болоход жил хүрэхгүй хугацаа үлдсэн энэ цаг үед эрх баригч МАН мөрийн хөтөлбөрөө хэрхэн биелүүлсэн вэ гэдгийг иргэд, сонгогчид та бүхэн тунгаана биз ээ...
УИХ-ын 2020 оны сонгуульд МАН-ын дэвшүүлсэн мөрийн хөтөлбөрөөс...
ХҮҮХЭД ХАМГААЛАЛ, ХӨГЖЛИЙН ЧИГЛЭЛЭЭР:
1.5.8. Хүүхдийн хөгжил, авьяас, ур чадвар, техник сэтгэлгээ, нийгмийн төлөвшилтийг дэмжихэд эцэг, эхчүүдийн оролцоог нэмэгдүүлнэ.
1.5.9. Хүүхдийн эрх, хөгжил, хамгааллын тогтолцоог бэхжүүлж, хүүхэд, гэр бүлд ээлтэй, тэгш боломж бүхий нийгмийн хамгааллын бодлогыг хэрэгжүүлнэ.
1.5.10. Хүүхдийг зам тээврийн ослоос урьдчилан сэргийлж, хүүхэд олноор зорчих хэсгийг гарц, гэрлэн дохио, хурд сааруулагч, камертай болгоно.
1.5.11. Хүүхдийн тоглоомын талбай, орчны стандартыг мөрдүүлж, хүүхдэд аюулгүй орчин бүрдүүлж, хяналтыг сайжруулна.
1.5.12. Хүчирхийлэлд өртсөн хүүхдэд урт хугацааны нөхөн сэргээх үйлчилгээ үзүүлэх төвийн байрыг бүс, орон нутагт байгуулна.
1.5.13. Хүүхдийн эсрэг хүчирхийллийн гэмт хэрэг үйлдсэн этгээдэд оногдуулах ялыг чангатгана.
МАН өнгөрсөн гурван жилийн хугацаанд дэвшүүлсэн мөрийн хөтөлбөрийнхөө эдгээр заалтуудыг хэрхэн биелүүлсэн вэ гэдэгт иргэн та дүгнэлт хийгээрэй ...
Амлалт.мн
