УИХ-ын чуулганы үдээс хойших нэгдсэн хуралдаан эхэллээ. Хуралдаанаар шинэ сэргэлтийн бодлогод тусгагдсан зам, тээврийн салбарын төсөл, арга хэмжээний хэрэгжилтийн талаар мэдээлэл сонсож байна.
Зам, тээврийн салбарын хэмжээнд 2023-2024 оны өвөлжилтийн бэлтгэл хангах ажлын нэгдсэн төлөвлөгөөнд нийт 276 ажил, арга хэмжээ тусгагджээ. Нийт 86.9 хувийн гүйцэтгэлтэй байна. Салбарын өвөлжилтийн бэлтгэл хангах ажлыг нийслэлийн хэмжээнд харьяа 12 байгууллагын хүрээнд шалгах төлөвлөгөөт бус хяналт шалгалтыг есдүгээр сарын 13-15-ны өдрүүдэд зохион байгуулжээ.
Харин "Улаанбаатар төмөр зам" ХНН-ийн дарга Х.Хэрлэн "Өнөөдрийн байдлаар замын 50 орчим хувийнх нь ашиглалтын хугацаа дуусаад байна. Хөдлөх бүрэлдэхүүний 60-70 хувийнх нь ашиглалтын хугацаа мөн дууссан байдалтай байгаа.
Эдгээр хөдлөх бүрэлдэхүүн болон замын шинэчлэлийг хийнэ" хэмээв.
Amlalt.mn
