Улаанбаатар хотын авто замын түгжрэлийг бууруулах ажлын хүрээнд Хотын захиргаанаас тусгай нэгж байгуулан ажилласан. Тус нэгж хоёр жил гаруйн хугацаанд Засгийн газраас олгосон 840 орчим тэрбум төгрөгийг захиран зарцуулсан. Ингэхдээ хуучин капиталдсан ногоон автобусыг шинэ автобусны үнээр авах гэж байсан нь олон нийтэд илчлэгдэж, үүнээс хамааран Түгжрэлийн сайд, Хотын дарга нар үүрэгт ажлаасаа чөлөөлөгдөх хүсэлтээ өгсөн.
Үнэндээ Түгжрэлийг бууруулах төслийн нэгж төсвийн хөрөнгийг зориулалтын бусаар зарцуулсан байж болзошгүй нөхцөл байдал шилэн дансны мэдээллээс нь харагдсан байна.
Түүгээр үл барам манай сайт шилэн дансны нь мэдээллүүдийг ил болгож эхлэнгүүт Түгжрэлийг бууруулах төслийн нэгжээс шилэн дансны мэдээллээ устгаж эхэлсэн.
Гүйлгээний утга болон зарлага орлогын мэдээллийг устгагдсан. Манай сайт шилэн дансны мэдээлэл нь устгагдаж буй тухай мэдээлэл гаргаад эхлэнгүүт буцаагаад мэдээллээ оруулсан байдал ажиглагдав. Тэгэхлээр тухайн нөхцөл байдалтай холбогдуулан байгууллагын дарга, нягтлан шилэн дансны мэпээллийг өөрчилж болдог юм уу?
АТГ болон ЭЦГ, Сангийн яам, аудитын байгууллагууд шилэн дансны мэдээлэл устгаж байгаа энэ асуудалд анхаарлаа хандуулна биз ээ.
А.Галт
Амлалт.мн
