Цахим хөгжил, харилцаа холбооны яам, Харилцаа холбооны зохицуулах хороо болон Кибер аюулгүй байдлын зөвлөлийн ажлын алба хамтран “КИБЕР ТУСГААР ТОГТНОЛ” форумыг өнөөдөр зохион байгуулж байна.
Форумд Цахим хөгжил, харилцаа холбооны яам, Харилцаа холбооны зохицуулах хороо, Кибер аюулгүй байдлын зөвлөлийн ажлын алба, Тагнуулын ерөнхий газар, Цагдаагийн ерөнхий газар, Монголын банкуудын холбоо, MNCERT ТББ, Монгол улсын кибер аюулгүй байдлын тогтолцоонд чухал үүрэгтэй төр, хувийн хэвшил, иргэний нийгмийн төлөөлөл 79 байгууллагын 170 орчим төлөөлөгч, хэвлэл мэдээллийн байгууллагууд оролцож, Монгол Улсын сүлжээ, мэдээллийн дэд бүтэц, өгөгдөл, мэдээллийн аюулгүй байдлын өнөөгийн байдал, тулгамдаж буй асуудал гарц шийдлийн талаар хэлэлцэх юм.
Кибер аюулгүй байдлын үндэсний тогтолцоогоо бэхжүүлэх, онц чухал мэдээллийн дэд бүтэцтэй байгууллагуудын үүрэг, оролцоог хангах арга зам, кибер аюул заналын өнөөгийн нөхцөл байдлын талаарх үндсэн илтгэлүүд тавигдана. Цаашид хийх ажил, шийдэх асуудал, төр, хувийн хэвшил, олон нийт хэрхэн хамтран ажиллах талаар хэлэлцэн ярилцаж байна.
Форумын ач холбогдол нь төр, иргэн, хувийн хэвшил мэдээлэл солилцох, мэдээллийн нууцлал, бүрэн бүтэн, хүртээмжтэй байдлын хэм хэмжээ, стандарт тогтоон мөрдөх, кибер гэмт хэргээс сэргийлэхэд хамтран ажиллах арга замуудаа тодорхойлоход оршиж байна.
Түүнчлэн улсын хэмжээнд 2023 онд интернэт төхөөрөмж рүү нь халдсан халдлага 1.8 сая бүртгэгдсэн байна. Энэ бол маш өндөр тоо гэв.
Amlalt.mn
