УИХ-ын өнөөдрийн /2023.11.09/ чуулганы нэгдсэн хуралдаан үргэлжилж байна.
Хуралдаанаар Гэр бүлийн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд /Засгийн газар 2023.11.03-ны өдөр өргөн мэдүүлсэн, хэлэлцэх эсэх/-ийг хэлэлцэж эхэллээ.
Энэ үеэр УИХ-ын гишүүн, ЦХХХ-ны сайд Н.Учрал "Н.Энхбаяр сайдаас хүсэлт байна. Өнөөдөр судалгаанаас харахад 72 мянган өрх толгойлсон эмэгтэйчүүд байна. Айл гэр болж тоглоно. Дараа нь сална. Тэр тэтгэмжээ авгайдаа өгч байна л гэж боддог шиг байгаа юм, эрчүүд. Хүүхдэдээ өгч байгаа гэдгийг нь ойлгуулах хэрэгтэй. Өнөөдрийн хуулиар гэр бүлээ цуцлуулсан тохиолдолд тэтгэмжийг амьжиргааны түвшний 50 хувь буюу 100 орчим мянган төгрөгөөр л тогтоож байна. Тэрбум төгрөгийн орлоготой хүн ч яг тэр мөнгийг л өгнө. Тэр мөнөгө өгч чаддаггүй, арчаагүй эрчүүдийн байдлаас болж олон мянган эмэгтэйчүүд монголын амьдралыг авч явна. Тэгэхээр Б.Энхбаяр сайд тэтгэмжийг орлоготой нь дүйцүүлж нэмээд өгөөч ээ. Айл гэр болж тоглочихоод хүүхдэдээ тэтгэмжээ эгч чадахгүй байгаа эрчүүдээс банк санхүүгийнхантай ярьж байгаад картнаас нь мөнгийг нь татаж авах хэрэгтэй шүү дээ" гэв.
