Авлигын хэргийг анхан шатны шүүх, шүүгчид шүүхгүй. Давж заалдах шатны шүүх болон Дээд шүүхийн түвшинд авлигын хэргийг шүүж байх улс төрийн шийдвэр гарах шиг боллоо. Гэвч МАН-ын гишүүдээс үнэмлэхүй бүрдсэн УИХ-ын Хууль зүйн байнгын хорооны нэр бүхий зарим гишүүд асуудлаас зугтаад хойш суух төлөвтэй шиг харагдаад байна.

Ийм нөхцөлд авлигатай тэмцэхээ удаа дараа зарлаад байгаа Ерөнхий сайд Л.Оюун-Эрдэнэ өөрийн нь хэлсэнээр амаргүйтэй тулж байгаа нь нууц биш. Намынхаа журмын нөхдийг гэх үү, ард түмний төлөө авлига хулгайтай тэмцэх үү гэдэг асуудлын өмнө нүүр тулсан Ерөнхий сайд авлигатай тэмцэхийг илүүд үзсэн.

Тэр ерөөсөө хүч алдчих гээд л, шатраар бол нэчээд л зүтгээд байгаа харагдах. Ганцаардсан аястай. Авлигын хэрэгт хамаарагсад, Монголыг муухай харагдуулагчид бол үнэндээ муу ухааны шатарт үнэхээр гаргуун болсон юм билээ л. Нүүрсчид жагсаал зохион байгуулж сонсголыг завхруулж, замхруулах нь гээд мэдээлэгдээд эхэллээ. Ингэж болохгүй л дээ.

Ер нь жагсаалууд ихээхэн лоосуутай болсон. Нүүрсний хэргээр хоригдож байгаа Б.Ганхуяг шүүхийн танхимаас Ерөнхий сайд хаана байна гэж асууж, би жагсаал зохион байгуулсан асуудлаар шалгагдаж байгаа гэх хэмжээнд төгсөрсөн том өнцгийг “авлигынхан” үзүүлж байгаа.

Тийм болохоор л ард түмнийхээ дэмжлэгийг авна гэж Ерөнхий сайд хэлдэг, ард түмэн асуудлыг гярхай нягталдаг болоод байгаагаар дэвжиж байна уу даа гэж харагдахаар, харахаас аргагүй цаг үе үргэлжилж байна. Нүүрсний хулгайн асуудлаарх сонсголыг ирэх долоо хоногт хийх нь. 175 хүнийг дуудаж асуух нь. Дөрөвдүгээр Ерөнхийлөгч Цахиагийн Элбэгдорж, Ерөнхий прокурор Д. Дорлигжав, М.Энх-Амгалан нараасаа эхлээд Д. Бат-Эрдэнэ, Т.Аюурсайхан гишүүн асангууд гээд 175 хүн. Хоригдож байгаа Б.Ганхуягийг ч байлцуулах нь шиг байна. Зөв л дөө. Ингэж тал талаас нь авчирч суулгаад, нээлттэй яриад, энэ ард түмэндээ үзүүлээд ус тосыг ялгаж, ул хорыг нь гаргах хэрэгтэй ээ.

Баттөмөрийн Энхбаяр мачийж байх шиг байна. Майчийх хэрэгтэй ээ. Ерөнхий сайд ард нь тулж байгаа нь ойлгомжтой. Нүүрсний асуудлыг шийдвэрлэх сонсголдоо сэтгүүлч Н.Өнөрцэцэгийг ч байлцуулж мэдэх нь, байлцуулах ч учиртай шиг байна. Байлга байлга. Н.Өнөрцэцэгийг нүүрсний тээвэрлэлттэй холбоо хамааралтай гээд Б.Энхбаяр мэдээлнэ билээ. Н.Өнөрцэцэг ч өөрийгөө энэ дунд нэр цэвэршүүлээд авах нь хэрэгтэй байх. Саяхан болсон, Батлан хамгаалахын цэргийн асуудлыг олон түмэнд үзүүлсэн шиг тийм тод томруунаар нүүрсний хэргийн сонсголыг явуулаасай. Тэгэхээр жинхэнэ авлигал дагнасан шүүх хэрхэн хэрэгтэй нь маш тодорхой харагдах байх даа.

Б. ДОРНО