Манай Амлалт.мн сайт 2023 оны 09 дүгээр сарын 27-ны өдөр “Жалгын ухнуудаар Монголыг дандаа зайдагнуулж болохгүй” гарчиг бүхий нийтлэлдээ УИХ-ын гишүүн Ц.Даваасүрэн, Х.Болорчулуун, Б.Бат-Эрдэнэ нарын нэрийг дурьдан “Өнөөдрийн Монголын төрд байгаа олигархажсан, өдөр бүр хулгайн эрх ашгаар шүүмжлүүлж байгаа сайдууд бол ерөөсөө энэ юм. Хувь, хувьсгалын хөрөнгөөр л тойргоо тордоцгоогоод байна. Дөрөв тав сонгогдоцгоочихсон. Сонгууль дөхүүлээд л хуулиар, жижиг мажариторийн булангаар буюу тэрүүхэн хэдэн сумыг “хахуулдан”, эхнэр хүүхдийг нь, хонь хотыг нь бөөцийлөөд л гараад ирцгээдэг. Төрд гарч ирээд тойргоо усалсанаа улсын мөнгөөр нөхнөө гээд хийхгүй бүхнийг хийгээд явдаг. Одоо ирэх сонгуулийг яг энэ загвараар хийх гэж байна” хэмээсэн баталгаа нотолгоогүй мэдээллийг олон нийтийн мэдээллийн хэрэгслээр тараасандаа УИХ-ын гишүүн Ц.Даваасүрэн, Х.Болорчулуун, Б.Бат-Эрдэнэ нарт албан ёсоор ХҮЛЦЭЛ өчиж, уучлал эрж байна.
Бид ташаа мэдээлэл агуулсан нийтлэлээ сайт болон пэйж хуудсаасаа буулгасан болно.
Цаашдаа манай редакцийн зүгээс мэдээ нийтлэл оруулахдаа бусдын эрхийг хүндэтгэн, батлагдаж нотлогдоогүй баримт мэдээлэл оруулахгүй байхад илүү анхааран ажиллах болно.
Амлалт.мн сайтын редакци
