“И-Монгол академи” УТҮГ, Мэдээлэл технологийн үндэсний парк, Монголын хараагүйчүүдийн үндэсний холбоотой хамтран 2024 оны 03 дугаар сарын 11-ний өдрөөс эхлэн харааны бэрхшээлтэй иргэдийн мэдээлэл технологийн ур чадварыг дээшлүүлэх 3 дахь удаагаа сургалтыг зохион байгуулж байна.
-Сургалтаар харааны бэрхшээлтэй иргэдэд компьютер болон ухаалаг утас ашиглах, дэлгэц уншигч программыг хэрэглэх, аливаа мэдээлэлтэй харилцах, боловсруулах, түгээх зэрэгт мэдээллийн технологи ашиглах мэдлэг ур чадварыг дээшлүүлэх зорилготой юм.
-Сургалт нь харааны бэрхшээлтэй иргэдийн хэрэгцээ шаардлагад нийцүүлж, хүртээмжийг нэмэгдүүлэх ач холбогдолтой бөгөөд гурван долоо хоногийн хугацаанд үргэлжлэх юм.
-2022 оны байдлаар Монгол Улсад 115,115 хөгжлийн бэрхшээлтэй иргэн байгаагийн 66,019 нь эрэгтэй, 49,096 нь эмэгтэй. Үүнээс 12,696 нь харааны бэрхшээлтэй иргэд байна. Эдгээр иргэд дэлгэц унших программын тусламжтайгаар бусад төрлийн веб сайт, гар утас, мэдээллийн технологийг ашигладаг билээ.
