“Цахимд хэвшье” Digital First-D1 арга хэмжээ 3 дугаар сарын 15-ний өдөр Дундговь аймагт зохион байгуулагдлаа.
“И-Монгол академи” УТҮГ-ын салбар дундын зохицуулалтын газрын дарга Х.Энхманлай нэгдсэн хуралдааны үеэр “Орон нутгийн дахин загварчлал”-н талаар танилцууллаа.
Мөн аймгийн төрийн болон хувийн хэвшлийн ажилтан албан хаагчдад Албан бичиг солилцооны дундын систем Docx болон төрийн байгууллагуудын дотоод үйл ажиллагаа удирдлагын нэгдсэн систем Erp, Sudalgaa.gov.mn сэдвүүдээр онол практик хосолсон сургалтыг Цахим ур чадварын газрын сургагч багш О.Билгүүн орлоо.
Арга хэмжээний хүрээнд нээлттэй өдөрлөг зохион байгуулан, харилцаа холбоо,мэдээлэл технологийн салбарын 20 гаруй байгууллагууд аймгийн иргэдэд өөрсдийн үйлчилгээг танилцуулж мэдээ мэдээлэл, заавар зөвлөмж өгч ажиллалаа.
