“Цахимд хэвшье” уриатай “Цахим хөгжлийн өдөрлөг”-ийг 04 дүгээр сарын 03-ны өдөр Говь-Алтай аймагт зохион байгуулав.
Үйл ажиллагааны үеэр “E-Mongolia” платформыг сурталчлан таниулах, иргэд олон нийтийн цахим ур чадварыг дээшлүүлэх чиглэлээр ажиллалаа. Үүнд:
Орон нутгийн төрийн үйлчилгээнд процессын шинжилгээ хийх, дахин загварчилж төрийн үйлчилгээний нэгдсэн системд холбох төслийн танилцуулга /Салбар дундын зохицуулалтын газрын процесс аналист Г.Будням/
Албан бичиг солилцооны дундын систем DOCX, Төрийн байгууллагуудын дотоод үйл ажиллагааны удирдлагын нэгдсэн ERP систем, Үндэсний судалгааны нэгдсэн платформын /sudalgaa.gov.mn/ танилцуулга /Цахим ур чадварын газрын сургагч багш О.Билгүүн/
Иргэд, төрийн албан хаагчдад E-Mongolia, E-Kids, E-Business системүүдтэй холбоотой заавар, зөвлөгөө өгөх, танилцуулга хийх /Хэрэглэгчийн үйлчилгээний хэлтсийн оператор М.Золзаяа/
ЦХХХ-ны дэд сайд Ж.Эрхэмбаатараар ахлуулсан үндэсний хэмжээнд цахим шилжилтийг эрчимжүүлэх зорилготой тус ажлын хэсэгт “И-Монгол академи” УТҮГ-ын дөрвөн хүний бүрэлдэхүүнтэй баг ажиллаж байна.
Мөн ЦХХХЯ-ны харьяа, салбар байгууллагууд болон Монголын программ хангамж үйлдвэрлэгчдийн холбоо ТББ-ын гишүүн 23 байгууллага оролцож байгаа юм.
Төрийн үйлчилгээний нэгдсэн E-Mongolia платформд Говь-Алтай аймаг 52 үйлчилгээгээ нэвтрүүлсэн төдийгүй иргэдийнхээ 58 хувьд нь тоон гарын үсэг олгожээ.
“Цахим хөгжлийн өдөрлөг”-ийг 04 дүгээр сарын 05-ны өдөр Ховд аймагт зохион байгуулна.
