Хавар болж хотын амьдрал ажин түжин, энд тэнд овоолсон хог харагдах, хуй салхинд гялгар цаас хийсэх.

Энэ бүхнийг үүрийн гэгээ цайхаас үдшийн бүрий буух хүртэл шүүр хүрзнээс өөр ажлыг "багажгүй" хэдэн муусайн ТҮК-ийн ажилчид шүүр хүрз барин цэвэрлэх.

Хотын хэмжээнд хог хаягдлын асуудлыг Нийслэлийн Хот тохижилтын газар гэх ОНӨААТҮГ хариуцаж байгаад өнгөрсөн өвлөөс Хотын дарга Х.Нямбаатарын санаачлагаар тус байгууллагад бүтцийн өөрчлөлт оруулж, ТҮК-ийн ажилчдыг нь дүүргүүдэд хувиарласан.

Нийслэлийн Хот тохижилтын газрыг СХД-ээс НИТХ-д төлөөлөгчөөр сонгогдсон, өмнө нь СХД-ийн ИТХ-ын даргаар ажиллаж байсан Б.Мөнхцэцэг удирддаг. Тус байгууллагад хийсэн бүтцийн өөрчлөлтийн хүрээнд нийт ажилчдын тоо 800 хүнээс 200 болтлоо цөөрсөн байна.

Гэвч хамгийн сонирхолтой нь тус газрын дарга Б.Мөнхцэцэг нь өөрийн хамаарал бүхий этгээдүүдээр тус байгууллагын захиргааг дүүргэжээ.

Тодруулбал, жолооч н.Лхагвасүрэн нь түүний ахынх нь хүү бол гэрээний мэргэжилтэн О.Энхжин нь мөн л түүний ахынх нь охин, IT инженер Д.Отгонбаяр нь Б.Мөнхцэцэг даргын “бага хүү” гэж хэлэгдэх хүртлээ дотно ойрын хамаарал бүхий бол туслах Мөнхзул, архив бичиг хэргийн ажилтан Отгончимэг нар нь СХД-т түүнтэй хамт ажиллаж байсан, мэргэжил ур чадварын хувьд эрхэлсэн ажилдаа хтэнцэх хэмжээнд хүрдэггүй бол, Захиргаа хүний нөөцийн хэлтсийн дарга н.Очирхүү, Санхүү бүртгэлийн хэлстийн дарга х.Оюунсүрэн нар нь мөн л түүнтэй цуг СХД-ийн зарим хороодод, ИТХ-д цуг ажиллаж байсан найзууд аж.

Нийслэлийн Хот тохижилтын газрын дарга Б.Мөнхцэцэг ийнхүү хамаатан садан, найз нөхдөөрөө өөрийгөө тойрон хүрээлсэн нь тус газарт явагддаг төсөв тендерийг өөртөө ашигтай хэлбэрээр зохицуулдаг “байж магадгүй” гэсэн хардлагыг төрүүлж байна.

Түүнчлэн бие биедээ шаардлага тавих, захирах захирагдах ёстой албан тушаалтнууд өөр хоорондоо хамаарал бүхий этгээдүүд, ах дүү хамаатан садан, найз нөхдүүд болчихлоор тус байгууллагын ажил нуран унаж, хотын ТҮК-ийн ажилчид шүүрнээс өөр "зэвсэггүй" байх нь дамжиггүй.

Тэгээд ч хуулиар удирдах, удирдуулах албан тушаалд хамаатан садны томилохыг хориглосон байдаг.

Тиймээс нийслэлийн хэмжээнд хот тохижилтын үйл ажиллагааг сайжруулья гэж төлөвлөж байгаа бол түүний шууд харъяалалын байгууллага болох Нийслэлийн Захирагчийн ажлын албаны дарга бөгөөд Хотын Ерөнхий менежер Ц.Төрхүү та энэ асуудалд анхаарлаа хандуулна буй заа.

Мөн АТГ, нийслэлийн аудитын газраас тус байгууллагыг шалгаад үзэхэд гэмгүй буй за.

А.Галт

Amlalt.mn