“И-Монгол академи” УТҮГ-ын санаачилгаар бүх нийтийн мэдээлэл, харилцаа холбоо, технологийн мэдлэг, ур чадварыг дээшлүүлэх сургалтыг зохион байгуулж 1000 сургагч багш бэлтгэх, тоон хуваагдлыг бууруулах, Төрийн үйлчилгээний нэгдсэн E-Mongolia системийн үйлчилгээг сурталчлан таниулах, цахим шилжилтийн бэлэн байдлыг хангах зорилгоор “Цахим ур чадварын аян”-ы хүрээнд 2024 оны 04 дүгээр сарын 23-ны өдөр цахим ур чадварын сургалтыг Сүхбаатар дүүргийн 1, 2, 3, 4, 5 дугаар хорооны иргэдэд зохион байгуулжээ.
Сургалтаар цахим иргэнд байх ур чадвар, өөрийн болон бусдын мэдээллийн аюулгүй байдлыг хангах, иргэдэд төрийн үйлчилгээг цахимаар хүргэх, ухаалаг утасны хэрэглээ зэрэг агуулгаар өөрсдийн мэдлэг ойлголтоо нэмэгдүүлэв.
Тус аян нь 2024 оны 07 дугаар сарын 10-ны өдрийг хүртэл болох бөгөөд хуваарийн дагуу нийслэлийн 9 дүүргийн хороодод зохион байгуулах юм.
