Цахимд хэвшье уриатай Цахим хөгжлийн нэгдсэн арга хэмжээ 04 дүгээр сарын 29-ний өдөр Төв аймагт зохион байгуулагдлаа.

Цахим шилжилтийг үндэсний хэмжээнд эрчимжүүлэх, төрийн цахим үйлчилгээний чанар хүртээмжийг нэмэгдүүлэх, бүх нийтийн цахим ур чадварыг дээшлүүлэх зорилготой ажлын хэсэгт “И-Монгол академи” УТҮГ-ын төслийн менежер О.Төгөлдрөөр ахлуулсан дөрвөн хүний бүрэлдэхүүнтэй баг томилогдон ажиллалаа.

Үндэсний хэмжээнд бүсчилсэн байдлаар зохион байгуулж буй тус арга хэмжээнд Цахим хөгжил, харилцаа холбооны яам болон харьяа, салбар байгууллагууд, Монголын программ хангамж үйлдвэрлэгчдийн холбоо ТББ, гишүүн байгууллагуудын хамтарсан мэргэжлийн баг мэдээллийн технологийн чиглэлээр олон талт цогц арга хэмжээг хэрэгжүүлэн ажиллаж байна.

Арга хэмжээний хүрээнд:

-Аймгийн ЗДТГ-ын удирдах албан тушаалтан, төрийн болон хувийн хэвшлийн байгууллагын удирдлагуудад зориулсан ЦХХХЯ-наас бүсчилсэн хөгжлийн зорилтын хүрээнд хэрэгжүүлж буй зорилт, бодлого, арга хэмжээний талаарх танилцуулга, мэдээлэл

-Төрийн албан хаагчид, мэдээллийн технологийн мэргэжилтнүүдэд зориулсан сургалт

-Ерөнхий боловсролын сургуулийн ахлах ангийн сурагчдад зориулсан сургалт

-Аж ахуй нэгж, иргэд олон нийтэд зориулсан үзэсгэлэн, худалдаа, зөвлөгөө, мэдээлэл өгөх зэрэг арга хэмжээ зохион байгуулагдлаа.

-Төв аймгийн хэмжээнд Төрийн үйлчилгээний нэгдсэн систем E-Mongolia-д 11 байгууллагын 58 үйлчилгээ нэвтэрч, 45492 иргэн тоон гарын үсэгтэй болсон байна.

-Цахим хөгжлийн өдөрлөг нэгдсэн арга хэмжээ 05 сарын 02-ны өдөр Сэлэнгэ аймагт зохион байгуулагдана.