Монгол Улс, Бүгд Найрамдах Хятад Ард Улс хооронд дипломат харилцаа тогтоосны 75 жилийн ой 2024 онд тохиож байна. Монгол Улс, БНХАУ-ын худалдаа, хамтын ажиллагааны чуулган өнөөдөр “Туушин зочид зочид буудалд нээлтээ хийлээ.
МҮХАҮТ болон БНХАУ-ын Чиндао хоттой хамтран хоёр улсын бизнес эрхлэгчдийг хооронд нь танилцуулах, хамтран төсөл хэрэгжүүлэх форумыг зохион байгуулж байна. Хятадын талаас 20 орчим аж ахуйн нэгжийн төлөөлөл, Монголын талаас 100 гаруй аж ахуйн нэгж форумд оролцож байна.
Нээлтэнд МҮХАҮТ-ын Ерөнхий нарийн бичгийн дарга С.Баясгалан “Хятадын Чиндао хот нь цахим худалдааны чөлөөт бүс юм. Иймээс Монголын чөлөөт бүсүүдэд хөрөнгө оруулалтын төсөл хэрэгжүүлэх, гадаад худалдаа, бизнесээс гадна аялал жуулчлал, хөдөө аж ахуй, эко технологи, сэргээгдэх эрчим хүчний чиглэлээр хамтран ажиллахаар бид эхнээсээ гэрээ хэлцэл байгуулж байна.
Монгол Улсын Засгийн газраас БНХАУ-тай харилцдаг гадаад худалдааны хэмжээг энэ жил 20 тэрбум ам.долларт хүргэх зорилтыг тавьсан. Гадаад худалдааг зөвхөн уул уурхайн салбараас гадна бусад салбаруудад илүү төрөлжүүлж, үр өгөөжийг нэмэгдүүлэх чиглэлд анхаарч байна. Өнгөрсөн онд гадаад худалдаа 15 тэрбум ам.долларт хүрсэн.
Монголын бизнес эрхлэгчид Хятадын зах зээлд гарах гэхээр тарифын болон тарифын бус маш олон хязгаарлалттай тулгардаг.
Бизнес эрхлэгчид бараа бүтээгдэхүүнээ тогтмол борлуулах цахим худалдааны платформуудад нэгдвэл аж ахуйн нэгжүүдэд учирдаг санхүүгийн бэрхшээлийг шийдвэрлэх боломжтой гэж үзэж байгаа.” гэж хэллээ.
Шанхай хамтын ажиллагааг төлөөлж буй БНХАУ-ын "Грийн констракшн"-ы Бизнесийн холбооны дарга Ин Үй Шин:Бид Монгол дахь бизнесийн орчинг бодитоор судалж үзэх зорилготой ажиллаж байна. ШХАБ-ын Олон улсын хөрөнгө оруулалт, худалдааны үзэсгэлэнг бид хамтарч зохион байгуулна. Чиндаогийн олон улсын эрчим хүчний худалдааны төв нь харилцан ашигтай хамтын бүтээн байгуулалт хийснээр Монгол-Хятад хоёр орны эдийн засгийн хөгжилд ахиц дэвшилтэй. Монголын үзэсгэлэнт цаг агаарыг үзүүлэхээр аялал жуулчлалын салбартай хамтран ажиллаж байна. Энэ хүрээнд "Хүннү эйр" компанитай Улаанбаатар-Шаньдун мужийн хооронд нислэгийн чиглэл бий болгохоор ажиллаж байгаа.
БНХАУ-д Шанхай хамтын ажиллагааны жишиг бүсийг байгуулсан. Энэ бүс дотроо Шанхайн хамтын ажиллагааны ажиглагч, оролцогч 26 орны соёл, үндэсний онцлогийг харуулсан худалдааны павилон байгуулсан. Монгол Улсад гэхэд 580 м.кв үзэсгэлэнгийн талбай бий болгож, албан ёсны нээлтийг нь 2024 оны долоодугаар сард хийхээр төлөвлөсөн. Тус жишиг бүсэд байгуулсан "Сувд" олон улсын худалдааны төвд энэ үзэсгэлэн гарна. Энэ ажлын хүрээнд Монголд зориулан гаргасан 580 м.кв талбайг гаргаж өгсөн. Энэ талбайд бараа бүтээгдэхүүнээр дүүргэх зорилготой та бидэнд үлдээд байна. Шанхайн хамтын ажиллагааны байгууллага нь олон улсын зангилаа боомт байдаг. Олон улсын кодтой. Шанхайн хамтын ажиллагааны орнуудад далайн тээврийн 42 чиглэлийг нээсэн.
Чиндао хот нь Хятадын Шандоны хойгийн өмнөд үзүүрт байрлах далайн эргийн үзэсгэлэнт сайхан хот юм. Газарзүйн хувьд зүүн талаараа Япон, Өмнөд Солонгос, Ази Номхон далай, баруун талаараа Төв Ази, Европ, хойд талаараа Монгол, Орос, өмнөд талаараа АСЕАН, Өмнөд Азитай холбогддог. Тус хотод 8,1 сая гаруй хүн амьдардаг.
Чиндао хот нь чийглэг дулаан орны болон чийглэг хуурай газрын дунд оршдог. Сүүлийн жилүүдэд асар хурдацтай хөгжиж байна. Үндэсний өндөр хурдны галт тэрэгний технологийн инновацын төв, үндэсний виртуал бодит байдлын инновацын төв зэрэг олон “Үндэсний брэнд” инновацын платформтой. Өндөр технологийн 6680 аж ахуйн нэгжтэй. Хөрөнгийн биржид бүртгэлтэй 84 компанитай юм байна.
Б.БАЯРМАА
