Эдийн засагч Р.Даваадорж гэж маш эрүүл саруул үзэл бодолтой хүн байна. Монголын төсвийн шамшигдууллыг хазаарлах, эдийн засгийг үр ашигтай байлгах талаар дандаа зөв өнцгөөс дуугарч байдаг хүн. Энэ хүн хэлжээ.
Ер нь сонгуульд 1,5 тэрбум төгрөг сурталчилгаандаа зарцуулж байгаа хоёр төрлийн хүн байна гэж. Нэг нь галзуу, нөгөөх нь хулгайч гэжээ. Энэ юу гэсэн үг вэ. Нээрээ маш их бодууштай үг. Жишээлэхэд, 1,5 тэрбум төгрөгтэй хүн гурван саяын цалинтай УИХ-ын гишүүн болох гэж зүтгэх ямар ч шаардлагагүй мэт. Тийм хэмжээний мөнгөтэй хүн, хөрөнгө оруулалт хийхээ больё гэхэд, тэр мөнгөө банкинд хадгалуулаад хүүгээр нь амьдрах бүрэн боломжтой. 1,5 тэрбум төгрөгийн сарын хүү арван хэдэн сая төгрөг шүү дээ.
Энэ тохиолдолд, дөрвөн жил сар бүр дөрвөн саяын цалин авах гэж, тэгээд ард түмнийг төлөөлөх гэж ордог нь маш хачин. Тэр тусмаа амьдралын чанар тэнцээгүй энэ ард түмнийг төлөөлөх гэж шүү.
Тэгэхээр Р.Даваадоржийн хэлсэнчлэн галзуу хүн үү, энэ. Нөгөөх нь хулгайч нь харин ойлгомжтой байгаа юм. Хулгайлсан мөнгөөрөө юман чинээ бодолгүй сонгуульдаж УИХ-д ороод хулгайлах сэтгэхүй л тэр хүнд байна. Эргэлзэх юм алга шүү дээ.
Үнэхээр Р.Даваадоржийн хэлсэнчлэн галзуу болоод хулгайч хүмүүс УИХ-д 1,5 тэрбумын сурталчилгаандаа зарцуулдаг нь ойлгомжтой юм байна.
Улирч байгаа парламентын гишүүн Цэрэнжамцын Мөнхцэцэг сая нэр дэвших гээд чадаагүй. Шалтгаанаа тэрбээр, ухуулагчдаа тэтгэх нэг тэрбум үгүйгээс гэж тайлбарласан.
Эндээс үзвэл Р.Даваадорж, Ц.Мөнхцэцэг хоёрын үг мөргөлцөж байна. Үнэн дээр уулзаж байна. Ц.Мөнхцэцэг харин хулгайч бус хүн байж.
З.ДОРНО
АМЛАЛТ.МН
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!