Өмнөговь аймаг дижитал, смарт аймаг болох чиглэлээр тодорхой ажил санаачлан хийж хэрэгжүүлж байгаа бөгөөд энэ хүрээнд “Иргэний нийгмийн байгууллагыг чадавхжуулах замаар цахим оролцоог нэмэгдүүлэх нь” /DICE/ төслийг хэрэгжүүлэхээр аймгийн иргэдийн Төлөөлөгчдийн Хурал, “Пипл Ин Нийд” ТББ-тай хамтран ажиллах санамж бичиг байгуулж, “Цахим Өмнөговь” хөтөлбөрийн хэрэгжилтийг дэмжих ажлын төлөвлөгөө батлан хэрэгжүүлж байгаа билээ.
Уг төлөвлөгөөний дагуу ФАРО Фаундэйшн ТББ-аас Иргэний нийгмийн байгууллагуудаар (ИНБ) дамжуулан бүх нийтийн тоон бичиг үсгийн чадавхыг дээшлүүлэн, иргэн төвтэй цахим шилжилтийг дэмжиж ажиллах, иргэдэд тэгш хүртээмжтэй цахим орчин байгуулахад чиглэсэн үйл ажиллагааг хэрэгжүүлэх ажлын хүрээнд сумдын Иргэний нийгмийн байгууллагуудын чадавхыг нэмэгдүүлэх сургалтыг аймгийн иргэдийн Төлөөлөгчдийн Хурлын Иргэний танхимд зохион байгуулж байна.
