Цахим хөгжил, инновац, харилцаа холбооны сайд Ц.Баатархүү, УИХ-ын гишүүн, Аж үйлдвэр, эрдэс баялгийн сайд Ц.Туваан болон УИХ-ын гишүүд С.Эрдэнэболд, Ж.Батжаргал, Д.Батбаяр нарын хамт өнгөрсөн амралтын өдрүүдэд Төв аймагт ажиллалаа.
Монгол Улсын их Хурлаас шинэ Зуунмод хотыг “Хүннү хот” болгон хөгжүүлэхээр төлөвлөж буй. Тус хотод хиймэл оюуны олон улсын дата төвийг байгуулахаар төлөвлөж байгаа төдийгүй Ази тивийн “Цахиурын хөндий” болгон хөгжүүлэх томоохон санаачилгын эхлэл болгож, ЦХИХХ-ны сайд Ц.Баатархүү Төв аймгийн бүх суманд буюу 27 ширхэг төрийн үйлчилгээний КИОСК машиныг хүлээлгэн өглөө. Өмнө нь аймгийн хэмжээнд ердөө хоёрхон ширхэг КИОСК машинтай байсан бол ийнхүү сум бүрд төрийн цахим үйлчилгээний киоск машинтай болж, орон нутгийн иргэдэд төрийн үйлчилгээг улам ойртууллаа.
Үүний зэрэгцээ, Боловсролын яамны судалгаанд үндэслэн, алслагдсан, интернэтийн хүртээмж муу 10 сургуульд Старлинк төхөөрөмжийг хүлээлгэн өгөв. Ингэснээр орон нутгийн сурагчид дэлхийн боловсролыг сумаасаа авах боломжийг бүрдүүллээ.
Цаашид Цахим хөгжил, инновац, харилцаа холбооны яам Монгол орны алслагдсан бүхий л суманд сүлжээ оруулах ажлыг үе шаттай хэрэгжүүлж байна. 2025 онд 139 цэгт сүлжээ оруулахаас Төв аймгийн алслагдсан 11 цэгт 2025 онд сүлжээ оруулна.
| № | Аймаг | Сумын нэр | Сүлжээ оруулах цэг |
| 1 | Төв аймаг | Мөнгөнморьт | 2-р баг Байдлаг баг |
| 2 | Төв аймаг | Угтаалцайдам | 1-р баг Талын уул |
| 3 | Төв аймаг | Эрдэнэ | 2-р баг, Чулуут |
| 4 | Төв аймаг | Цээл | 4-р баг, Сүүл буга |
| 5 | Төв аймаг | Баян-Өнжүүл | 1-р баг, Бараат |
| 6 | Төв аймаг | Алтанбулаг | 2-р баг, Аргал |
| 7 | Төв аймаг | Баяндэлгэр | 1-р баг, Байдлаг |
| 8 | Төв аймаг | Баянцогт | 1-р баг, Гуна |
| 9 | Төв аймаг | Дэлгэрхаан | 3-р баг, Давст багт |
| 10 | Төв аймаг | Бүрэн | 3-р баг, Монгол, Мэргэн толгой |
| 11 | Төв аймаг | Бүрэн сум | Бүрэн сум |
