УИХ-ын гишүүн Б.Энхбаяр мэдээлэл хийж байна. Монгол Улсын Засгийн газар "Женкогийн Засгийн газар" болжээ гэв.
ЗГ-аас Бүтээмжийн менежер, Хяналтын менежер гэх 42 албан тушаалтныг томилсон ба ойрын үед энэ тоо 100 гарах гэж байна. "Женко" Х.Баттулгын туслахаас эхлээд ойрын хүрээллийн хүмүүсийг гол албан тушаалд тавьсан байна. Зэвүү хүрч байна гэв. Төр үргүй зардал гаргаж байгаад зэвүүцэж, түмний төлөө санаа чилээж байгаа нь сайн байна.
Гэвч эрхэм гишүүн нэг зүйлийг ойлгох хэрэгтэй. Энэ удаагийн Засгийн газар бол ХАМТАРСАН ЗАСГИЙН ГАЗАР.
ХҮН, АН, МАН гээд гурван намын төлөөлөл бий. Тэр ч утгаараа тэдгээр бүтээмжийн менежерүүдийг томилох саналыг нам нь буюу АН-ынхан оруулж ирсэн бөгөөд тэрхүү саналыг нь Ерөнхий сайд харгалзан үзсэн байна.
Нэг ёсондоо томилгоонд огт оролцож, нөлөөлөл үзүүлээгүй гэсэн үг. Тэгээд ч Ерөнхий сайд томилгоонд ороод, энийг ажилд ав, тэрнийг соль гэдэг чиглэл өгөөд сууж байна гэж юу байх вэ?
Харин нөгөөтэйгүүр Б.Энхбаяр гишүүн үнэхээр л зэвүүцэж байгаа бол АН-ынхныг л зэвүүцэх хэрэгтэй юм шиг. Тэд томилгооны саналаа оруулж ирсэн, тэгэхээр тэнд л Х.Баттулгын нөлөө их байна гэсэн үг биз.
АН-ынхны томилоод буй Бүтээмжийн менежерүүдийг олон нийт эсэргүүцээд байгаа. Үргүй томилгоо гэдэг агуулгаар нь ч өнөөдөр Б.Энхбаяр гишүүний хөндсөн асуудал зөв.
Женкогоосоо хагацаж чадахгүй байгаа нам улс орны хөгжлийг урагшлуулах үйлсийг манлайлах хүчирхэг институци болох нь юу л бол. АН-ынхан анхаармаар. Ард түмний эсэргүүцлийн, Б.Энхбаяр гишүүний зэвүүцлийн угийг бүрэн мөнөөр нь огоормоор...
AMLALT.MN
