МУ-ын Засгийн газраас 2026 оныг “Боловсролыг дэмжих жил” болгон зарласантай холбогдуулан нийслэлийн Засаг даргын захирамжаар ажлын хэсэг байгуулсан. Уг ажлын хэсэг 2026-2028 онд 84 байршилд шинээр сургууль барих шаардлагатайг судалжээ. Энэ хүрээнд тус ажлын хэсэг Сонгинохайрхан дүүргийн 42 дугаар хороонд ажиллаж, тухайн дүүргийн хороодын Засаг дарга болон сургуулийн захирлуудтай уулзаж, санал солилцлоо.

Тодруулбал, энэ үеэр нийслэлийн хэмжээнд үйл ажиллагаа явуулж буй ерөнхий боловсролын сургуулийн хүртээмж, байршлын судалгааг танилцуулан, зорчилт хөдөлгөөнтэй холбоотой бодит мэдээллийг гаргаж, сургуулийн ачаалал болон шинээр барих сургуулийн байршлын талаар санал солилцсон юм.