“Боломжоо хуваалцан хамтдаа хөгжье" уриатай Хятад, Монголын хэвлэл мэдээллийн сэтгүүлчдийн Хүбэй, Өвөр Монгол дахь хамтарсан сурвалжлагын ажиллагаа энэ сарын 10-ны өдөр БНХАУ-ын ӨМӨЗО-ны Тунляо хотноо эхэлсэн. Энэ хүрээнд БНХАУ-ын ӨМӨЗО-ны Тунляо хотын Жин Шы Ань технологийн компанийн үйл ажиллагаа, үйлдвэрлэлтэй танилцлаа. Жин Шы Ань" технологийн компани нь 2019 онд "Ард түмэнд аюулгүй хүнсийг хэрэглэх боломж олгох" зорилгын дагуу "Тунляо Жин Шы Ань" хоолны менежментийн үйлчилгээний ХХК-ийг үүсгэн байгуулжээ.
Тус компани хөдөө аж ахуйн дагалдах хүнсний бүтээгдэхүүний үйлдвэрлэл, боловсруулалтаас хоолны ширээнд хүртэлх бүх үйл явцад аюулгүй нийлүүлэх шинэ загварыг бий болгохыг зорилгоо болгон ажилладаг байна. Мөн худалдан авалтаас эхлээд үйлдвэрлэл, боловсруулалт, хүйтэн гинжин хэлхээний хуваарилалт хүртэлх бүх үе шатанд хүнсний аюулгүй байдалд хатуу хяналт тавьдаг аж.
Түүнчлэн 2020 оноос эхлэн Хорчин дүүргийн бага, дунд сургуулиудыг хүнсний аюулгүй байдлыг хангасан хоол хүнсээр хангаж эхэлжээ. Өнөөдрийг хүртэл тус дүүргийн 45 сургууль, хотын харьяаны 9 сургууль, хөгжлийн бүсийн 3 сургууль, албан байгууллагуудын 70 000 орчим хүнд өдөр бүр шим тэжээлтэй хүнсээр үйлчилж байна. Мөн тус компанийн бүтээгдэхүүнүүд супермаркет, айл гэрт шууд нэвтэрч, улс даяар Тунляогийн загварыг хуулбарлан сурталчлах болжээ.
Эх сурвалж: zms.mn
