Хятад, Монголын хэвлэл мэдээллийн Хүбэй, Өвөр Монгол дахь хамтарсан сурвалжлагын хүрээнд БНХАУ-ын ӨМӨЗО-ны Тунляо хотод орших “Их цөнхөл” үндэсний байгалийн хамгаалалтын бүсээр зочиллоо. Их цөнхөл нь Хятадын экологийн соёл иргэншлийн бүтээн байгуулалт, аялал жуулчлалын салбарын хөгжүүлэлтийн бүс юм.
Анх 1952 онд энэ бүс нутаг 8000 га газар цөл байсныг ой шугуй болгосон байна. Мөн энэ бүс нутагт бороо их ордог тул сэрүүн, тааламжтай уур амьсгал бүрэлдэн тогтжээ.
Их цөнхөлд 700 гаруй ургамлын төрөл зүйл ургадаг. Үүний 100 гаруй нь модлог ургамал байна. Мөн 400 гаруй эмийн ургамал ургадаг ч түүхийг хориглодог аж. Учир нь энэ бүс нутаг тусгай хамгаалалттай газар тул онгон дагшнаар нь хадгалахыг хичээдэг байна.
Мөн энд байх гол мөрнүүд -30 хэмийн хүйтэнд ч хөлддөггүй аж. Түүнчлэн “Сувд” нэртэй булгийн ус дуу чимээгээр гүнээсээ ундарч гардаг зэрэг байгалийн өвөрмөц, содон тогтоцтой аялал жуулчлалын цөм хэсэг бүхий бүс байлаа.
