“МИНИЙ МӨРӨӨДЛИЙН ХОТ-2040” УРАЛДААНЫ ШИЛДГҮҮД ТОДОРЛОО

Энэ мэдээ хуучирсан буюу 2025/06/25-нд нийтлэгдсэн мэдээ болно.

Ээнээ

Огноо

Унших

5 минут 12 секунд

Нийтлэсэн огноо:

“МИНИЙ МӨРӨӨДЛИЙН ХОТ-2040” УРАЛДААНЫ ШИЛДГҮҮД ТОДОРЛОО

НИТХ-ын дарга болон төлөөлөгчдийн санал санаачилгаар НДЗТГ-ын дэмжлэгтэйгээр нийслэлийн есөн дүүргийн ерөнхий боловсролын сургуулийн 1-12 дугаар ангийн суралцагчдын дунд “МИНИЙ МӨРӨӨДЛИЙН ХОТ-2040” хүүхдийн бүтээлийн уралдааныг зохион байгуулсан билээ. Тэгвэл өнөөдөр тус уралдааны шилдгээр тодорсон сурагчдад шагнал гардууллаа. Уралдааны гол зорилго нь “Нийслэл Улаанбаатар хотын 2040 он хүртэлх хөгжлийн ерөнхий төлөвлөгөө”-г таниулах, сурагчдад үндэсний өв соёл, түүхээ тээн хөгжүүлэх, нийслэл хотынхоо хөгжил цэцэглэлтэд хувь нэмрээ оруулж, хөгжлийн үйл явцад оролцох боломжийг олгох, одоо ирээдүйг харьцуулан, хотоо хөгжүүлснээр гарах эерэг үр нөлөөг бусдад ойлгогдохоор энгийн ойлгомжтой, суралцагчдын хүсэл, мөрөөдөл, сэтгэлгээгээр илэрхийлж, хотын соёлыг уриалан төлөвшүүлэх юм. Шагналыг НИТХ-ын дарга А.Баяр болон НИТХ-ын төлөөлөгч Б.Сэмжидмаа гардууллаа.

Шагнал гардуулах үеэр НИТХ-ын дарга А.Баяр “Энэхүү уралдаан нь хүүхэд бүрийн дотоод сэтгэл, ирээдүйгээ төсөөлөх хараа, бүтээлч байдлыг илэрхийлэх маш чухал индэр болсон гэж үзэж байна. Ирээдүйн нийслэл хотыг өөрсдийн нүдээр, сэтгэлгээрээ харж, зурж, бүтээж чадсан та бүхний бүтээл бол зөвхөн ур чадварын илэрхийлэл төдийгүй нийслэлийн ирээдүйн хөгжлийн дүр зураг юм.Бидний ирээдүй болсон хүүхэд багачууд хотынхоо төлөвлөлтөд бодитоор оролцож, зөв хандлагатай, хотын соёлыг дээдэлдэг иргэн болж төлөвших нь бидний хамтын зорилго.Цаашид ч энэ мэтчилэн хүүхдүүдийн оролцоог хангасан, тэдний дуу хоолойг сонсдог арга хэмжээг улам өргөжүүлэн зохион байгуулсаар байх болно гэдгийг онцлон тэмдэглэж байна.Ирээдүйн Улаанбаатар хотыг мөрөөдлөөрөө бүтээсэн хүүхэд багачууд та бүхэндээ дахин баяр хүргэе” гэв.

Уралдааныг гар зураг, бүтээл гэсэн 2 төрлөөр бага, дунд, ахлах 3 насны ангиллаар 3 үе шаттайгаар зохион байгуулсан ба тус уралдаанд нийслэлийн 5 дүүргийн 32 сургуулийн 113 суралцагч өөрсдийн гар зураг, бүтээлээ ирүүлсэн. Уралдааны III шат буюу нийслэлийн шатны шалгаруулалтыг мэргэжлийн багш нараас бүрдсэн шүүгчдийг баг хийж, нэгдсэн дүнг гаргасан бөгөөд III шатанд гар зургийн төрөлд 77, бүтээлийн төрөлд 8 бүтээл тэнцэж, шүүгчдийн дүнгээр байр эзлүүлжээ.

Гар зургийн уралдаанд насны ангилал тус бүрээр 1 дүгээр байрт 1, 2 дугаар байрт 2, 3 дугаар байрт 3 суралцагч, нийт 18 суралцагч
Бүтээлийн уралдаанд 1 дүгээр байрт 1, 2 дугаар байрт 3, 3 дугаар байрт 4 суралцагч, нийт 8 суралцагч тус тус шалгарлаа.

Тус уралдаанд шавь нараа идэвхжүүлэн амжилттай бэлтгэж, уран бүтээлд нь мэргэжлийн болон ур чадварын дэмжлэг үзүүлж, зөвлөн тусалсан 6 багш, уралдааны ач холбогдлыг ойлгож, өөрийн сургалтын байгууллага, суралцагчдынхаа дунд амжилттай зохион байгуулж, идэвхтэй ажилласан 2 сургалтын менежер, 1 сургуульд идэвх санаачилгыг үнэлж, мөнгөн дүнгээр урамшуулав.

Бага нас:

1-р байрт