МАН-ын Их хурал болох гээд нам доторх фракциуд “хөлөө жийлцэж” байх шиг. Гэхдээ МАН-ын “зодоон” нийгэмд тэр бүр ил гардаггүйгээрээ АН-аас ялгаатай.
Огцорсон Ерөнхий сайд Л.Оюун-Эрдэнэ УИХ дах өөрийн талын гишүүдээрээ дамжуулан, өөрийн талын хүнийг МАН-ын дарга болгох, улмаар МАН-ын дүрмийн 24.3-т заасан “УИХ-ын сонгуульд МАН олонх болсон бол Намын даргыг Ерөнхий сайдад нэр дэвшүүлнэ” гэх заалтыг өөрчилж, “сонгуульд ялсан Ерөнхий сайд заавал намын дарга байх албагүй” гэх утгатай агуулга заалтыг МАН-ын Их хурлаараа оруулж батлуулан, Г.Занданшатарыг “дан дээлтэй” Ерөнхий сайдаар нь үлдээж, намын тамгаа өөрийн талд авахаар “улайрч” байгаа гэх.
Гэхдээ Ерөнхий сайд болчихоод дараа нь МАН-ын Их хурлаар намын даргын “сонгуульд” орж, тамгаа авсан тохиолдол МАН-д шинэ зүйл биш бөгөөд өмнө нь гурван ч удаа тохиолдож байжээ.
Эхнийх нь 2008 оны УИХ-ын сонгуулиар 76/45 суудал авч намаа ялалтанд хүргэсэн С.Баяр Ерөнхий сайдаар ажиллаж байгаад 2009 онд С.Батболд Ерөнхий сайдаар томилогдоод дараа жил нь буюу 2010 онд МАН-ын ээлжит 26-р Их хурлаас сонгогдон МАН-ын дарга болсон байдаг.
Удаах нь 2016 оны УИХ-ын сонгуулиар 76/65 суудал авч намаа ялуулсан МАН-ын дарга М.Энхболд УИХ-ын даргаар ажиллаж, Ерөнхий сайдаар УИХ-ын гишүүн Ж.Эрдэнэбат 2016-2017 онд ажиллаж байсан бол 2017 оны 10 сард У.Хүрэлсүх Ерөнхий сайд болоод нэг сарын дараа буюу 2017 оны 11 сарын 21-ны өдөр болсон МАН-ын 28-р Их хурлаар МАН-ын дарга болсон түүхтэй.
Харин гуравдах тохиолдол бол 2020 оны УИХ-ын сонгуулиар 76/62 суудал авч намаа ялуулсан МАН-ын дарга У.Хүрэлсүх Ерөнхий сайдаар томилогдон 2021 оны 1 сар хүртэл ажиллаж байгаад өөрийн хүсэлтээр Ерөнхий сайдын албан тушаалаас чөлөөлөгдөж, түүний оронд УИХ-ын гишүүн Л.Оюун-Эрдэнийг УИХ-аас Ерөнхий сайдаар томилсон бөгөөд Цар тахлын нөлөөллөөс үүдэлтэйгээр 2021 оны 6 сарын 25-ны өдөр МАН-ын Бага хурал хуралдан 12 дах МАН-ын даргаар “түр сонгоод” мөн оныхоо 12 сарын 06-ны дөр МАН-ын 30-р их хурлаар МАН-ын даргаар сонгож баталсан байдаг.
|
МАН-ын дарга нарын нэрс |
МАН-ын хэддэх их хурлаар сонгогдсон эсэх |
Намын даргаар ажилласан хугацаа |
|
С.Баяр |
2005 оны 3-р сарын 25-нд болсон МАН-ын XXV Их хурлаар |
2005.03-2009.10 |
|
Сү.Батболд
|
2010 оны 11-р сарын 06-нд болсон МАН-ын XXVI Их хурлаар сонгогдсон. |
2010.10-2013.11 |
|
М.Энхболд |
2013 оны 11-р сарын 21-нд болсон МАН-ын XXVII Их хурлаар |
2013.11-2017.11 |
|
У.Хүрэлсүх |
2017 оны 11 сарын 21-ний өдөр МАН-ын XXVIII Их хурлаар |
2017.11-2021.01 |
|
Л.Оюун-Эрдэнэ |
2021 оны 12 сарын 06-ны өдөр МАН-ын XXX Их хурлаар |
2021.12-- |
Дээрх хүснэгтээс харахад МАН-ыхан УИХ-аас Ерөнхий сайдаар томилсон шигээ дараа нь үүнд итгэл үзүүлэн намынхаа даргаар сонгодог уламжлал тогтож иржээ.
Өөрөөр хэлбэл “Ерөнхий сайд нь МАН-ын дарга байх” учиртай МАН-ын дүрмийн дагуу өдгөө Ерөнхий сайд Г.Занданшатарыг удахгүй болох МАН-ын ээлжит XIX Их хурлаар МАН-ын даргаар сонгож, түүнд намын гишүүдээс улс төрийн итгэл үнэмшил үзүүлэх нь төр тогтвортой, засаг хүчтэй байхын зэрэгцээ Ерөнхий сайдын ажлын үр дүн нэмэгдэж, засаг төрийн ажлыг шуурхай явуулах гол хөшүүрэг бий болно.
А.Галт
Amlalt.mn
