Ус цаг уур, орчны судалгаа, мэдээллийн хүрээлэнгээс арав хоногт нэг удаа гаргадаг хээрийн цасны хэмжилтийн мэдээгээр хоёрдугаар сарын 20-ны байдлаар нийт нутгийн 70 хувь нь цастай байна.

Цасны хэмжээг өмнөх арван хоногийнхтой харьцуулахад 5 хувиар багасжээ.

Цасны зузаан Увсын Хяргас, Цагаанхайрхан, Завханы Цэцэн-Уул, Баянтэс, Нөмрөг, Хөвсгөлийн Цэцэрлэг, Сэлэнгийн Ерөө, Орхонтуул, Хүдэрт хамгийн их буюу 31-38 см байна.

Баян-Өлгий аймгийн Сагсай, Булган, Увсын Малчин, Хяргас, Зүүнговь, Баруунтуруун, Цагаанхайрхан, Ховдын Үенч, Алтай, Завханы Цэцэн-Уул, Баянтэс, Нөмрөг, Тэс, Асгат, Говь-Алтайн Тонхил, Хөвсгөлийн Цэцэрлэг, Улаан-Уул, Цагааннуур, Сэлэнгийн Ерөө, Орхонтуул, Орхон, Хушаат, Сайхан, Түшиг, Сант, Хүдэр, Зүүнбүрэн, Сүхбаатар, Жавхлант, Дархан-Уулд 21 см-ээс дээш зузаан, 0.16-0.39 г/см3 нягттай байлаа.

Увсын Сагил, Түргэн, Тариалан, Давст, Тэс, Зүүнхангай, Өндөрхангай, Ховдын Булган, Завханы Баянхайрхан, Сонгино, Түдэвтэй, Тэлмэн, Тосонцэнгэл, Их-Уул, Алдархаан, Эрдэнэхайрхан, Отгон, Хөвсгөлийн Цагаан-Үүр, Алаг-Эрдэнэ, Ренчинлхүмбэ, Булганы Тэшиг, Хутаг-Өндөр, Хангал, Сайхан, Орхон, Бүрэгхангай, Дашинчилэн, Баяннуур, Сэлэнгийн Алтанбулаг, Цагааннуур, Шаамар, Баруунбүрэн, Баянгол, Дархан-Уулын Шарынгол, Хонгор, Төв аймгийн Лүн, Заамар, Угтаалцайдам, Цээл, Жаргалант, Борнуур, Эрдэнэ, Мөнгөнморьт, Өвөрхангайн Сант, Хэнтийн Баян-Адрага, Дорнодын Гурванзагал, Дашбалбар, Халхгол, Чулуунхороот, Цагаан-Овоо, Сэргэлэн, Чойбалсанд 11-20 см зузаан, 0.11-0.30 г/см3 нягттай, бусад нутгаар 10 см-ээс бага зузаан, 0.07-0.37 г/см3 нягттай байжээ.