“Эрдэнэс Тавантолгой” ХК нь 2026–2029 оны дунд хугацааны стратеги төлөвлөгөөндөө тусгасны дагуу хүний нөөцийн менежментийн олон улсын ISO 30400 багц стандартыг үйл ажиллагаандаа нэвтрүүлэн хэрэгжүүлж байна. Тус ажлын хүрээнд олон улсын баталгаажуулах байгууллага болох Франц улсын AFNOR Group-ийн нэрийн өмнөөс баталгаажуулалтын аудит хийхээр төлөвлөсөн.
Тус аудит нь 2026 оны 3 дугаар сарын 9–16-ны өдрүүдэд төв оффис болон Өмнөговь аймгийн Цогтцэций сум дахь салбар уурхайд зохион байгуулагдана.
Энэхүү баталгаажуулалтын аудитаар амжилттай хамрагдсанаар “Эрдэнэс Тавантолгой” ХК нь уг стандартын дагуу албан ёсоор гэрчилгээжих юм.
ISO 30400 багц стандарт нь тогтвортой хөгжлийн зорилтууд болох SDG 8, SDG 11, SDG 16-гийн хэрэгжилтийг дэмжих ач холбогдолтой бөгөөд төрийн, төрийн өмчит болон хувийн хэвшлийн байгууллагын үйл ажиллагааг тасралтгүй сайжруулахад чухал хувь нэмэр оруулдаг юм.
