Монголын анхны онолын физикч, их эрдэмтэн, Дорнод аймгийн Баяндун сумын харьяат Д.Цэрэнгийн нэрэмжит “Улсын физикийн XXXVII олимпиад” Чойбалсан хотноо зохион байгуулагдлаа.
Тус олимпиадад нийслэлийн 9 дүүрэг, 21 аймгийн нийт 31 багийн 300 гаруй багш, суралцагч оролцож, мэдлэг, ур чадвараа сорин өрсөлдөж, шилдгүүдээ тодрууллаа.
9 дүгээр ангийн төрөлд: Орхон аймгийн "Орхон Билигт-өргөө" сургуулийн сурагч Б.Болд,
12 дугаар ангийн төрөлд: Нийслэлийн ерөнхий боловсролын 1 дүгээр сургуулийн сурагч М.Мөнх-Оргил,
Багшийн төрөлд: "Олонлог-Эгзэ" сургуулийн физикийн багш Э.Гүндалай нар тэргүүлж, алтан медалийн эзэд боллоо.
Энэ удаагийн олимпиадыг олон улсын олимпиадын стандартын жишгээр шүүлтийг программчлал ашиглан, туршилтын уралдааныг физикийн лабораторийн багаж ашиглан зохион байгуулсан онцлогтой байна.
Олимпиадад оролцогч хүүхдүүдийг бүлгийн зохион байгуулалтад оруулж, чөлөөт цагийг зөв боловсон өнгөрүүлэх зорилгоор Чойбалсан хоттой танилцах, спортын тэмцээн зохион байгуулах, сэтгэлзүйн зөвлөгөө, хүүхэд хамгаалал чиглэлээр мэдээлэл сургалт өгөх зэрэг тусгай хөтөлбөр гарган ажилласан байна.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!