Засгийн газрын 2026 оны дөрөвдүгээр сарын 08-ны ээлжит хуралдаанаар Зам, тээврийн яамны Төрийн нарийн бичгийн дарга Б.Насантогтохыг чөлөөлж, оронд нь М.Баярмагнайг сэлгэн ажиллуулахаар шийдвэрлэсэн.
Тэгвэл Зам, тээврийн сайдын 2026 оны А/99 дүгээр тушаалаар Зам, тээврийн яамны Төрийн нарийн бичгийн даргын албан үүргийг түр орлон гүйцэтгэгчээр томилогдсон М.Баярмагнай өнөөдрөөс /2026.04.09/ үүрэгт ажилдаа орлоо.
Энэ үеэр Зам, тээврийн сайд Б.Дэлгэрсайхан шинээр томилогдсон Төрийн нарийн бичгийн даргад цаашдын ажилд амжилт хүслээ.
Төрийн нарийн бичгийн дарга М.Баягмагнай нь:
1997 онд Румын улсын Бухерист эдийн засгийн академи, Австрали улсын Баруун Сидней Их сургуулийг тус тус төгссөн. Эдийн засагч мэргэжилтэй, бизнесийн ухааны магистр
Ажлын туршлага:
- 1999-2005 онд Худалдаа хөгжлийн банкинд эдийн засагч, ахлах эдийн засагч, маркетингийн газрын захирал
- 2005-2006 онд Лондонгийн Сэргээн босголт, хөгжлийн банкны төв азийн газарт ажилтан;
- 2006-2008 онд Худалдаа хөгжлийн банкны Жижиг, дунд байгууллагын захирал;
- 2009-2011 онд Хүнс, хөдөө аж ахуйн, хөнгөн үйлдвэрийн яамны Жижиг, дунд үйлдвэрлэл хөгжүүлэх сангийн захирал;
- 2011-2012 онд Хүнс, хөдөө аж ахуйн, хөнгөн үйлдвэрийн яамны газрын дарга;
- 2012-2016 онд “ЮП” компанийн дэд захирал;
- 2016-2019 онд Эрчим хүчний яамны Төрийн захиргааны удирдлагын газрын дарга;
- 2019 онд Байгаль орчин, аялал жуулчлалын яамны Төрийн захиргааны удирдлагын газрын дарга;
- 2019-2020 онд ЗГХЭГ-ын дэд дарга;
- 2020-2024 Эрчим хүчний яамны дэд сайд;
- 2025 онд Монгол Улсын Ерөнхий сайдын ахлах зөвлөх бөгөөд Ажлын албаны дарга;
- 2025-2026 оны 4 сар хүртэл Сангийн яамны Төрийн нарийн бичгийн даргын үүргийг түр орлон гүйцэтгэгч;
- 2026 оны 4 дүгээр сараас Зам, тээврийн яамны Төрийн нарийн бичгийн даргын үүргийг түр орлон гүйцэтгэгчээр томилогдон ажиллаж байна.
