Эрх баригч МАН 2024-2028 оны УИХ-ын сонгуулийн мөрийн хөтөлбөрт “Сэтгүүлчийг хэвлэн нийтэлсний төлөө хорьж цагддаг, хууль бусаар мөрдөн хавчдаг, үндэслэлгүйгээр хууль зүйн хариуцлагад татдаг явдлыг зогсооно” гэж заасан байдаг.

Ардчилсан улс оронд парламентын сонгуульд олонхи болсон улс төрийн нам, иргэд сонгогчдоос дэмжлэг авсан сонгуулийн мөрийн хөтөлбөрөө хэрэгжүүлж ажилладаг. Эрх баригч намын сонгуулийн мөрийн хөтөлбөрийг тухайн олонхи болсон намаас томилсон Засгийн газар гардан хэрэгжүүлдэг журамтай. Харамсалтай нь Засгийн газар мөрийн хөтөлбөрөө хэрэгжүүлж эхлээ ч үгүй байхад Засгийн газрын харьяа байгууллагуудын төрийн албан хаагчид нь Хэвлэл мэдээллийн хэрэгсэлд ҮНДЭСЛЭЛГҮЙГЭЭР ХУУЛИЙН ХАРИУЦЛАГА ОНОГДУУЛЖ, 20 сая төгрөгөөр торгох шийдвэр гаргасан байна.

Zuv.mn сайт хэвлэн нийтлэх эрхийнхээ хүрээнд нийтийн албан тушаалтны үйл ажиллагааг баримттайгаар шүүмжилж бичихдээ сошиал сүлжэээн дэх түүний цээж зургийг татан оруулсныг Сүхбаатар дүүргийн Цагдаагийн I хэлтэс рүү ХЭҮК-ийн Хувийн мэдээлэл хамгаалах хэлтсийн даргын албан үүргийг түр орлон гүйцэтгэгч С.Ганзориг гэх нөхөр албан бичгээр zuv.mn сайтын редакци нь “Хөтөлийн цемент шохой” ТӨХК-ийн хурган дарга Н.Ганхуяг 450 сая төгрөгийн 5.5 тэрбумаар үнэлж, үйлдвэрээ олон тэрбумын алдагдалд оруулжээ” гэсэн баримттэй нийтлэл бичихдээ тус интернэт сүлжээн дэх ТӨХК-ийн захирал Н.Ганхуягийн зургийг авч ашигласан нь Хүний хувийн мэдээлэл хамгаалах тухай хуулийн 4.1.11 дэх заалтад заасан биометрик мэдээлэл болох тул мэдээллийн эзэн (“Хөтөлийн цемент шохой” ТӨХК-ийн дарга Н.Ганхуяг)-ий зөвшөөрөлгүйгээр түүний зургийг нийтэлсэн нь Зөрчлийн хуулийн 6.27.3 дах заалтанд заасан зөрчлийн шинж агуулагдах боломжтой гээд иймд Монгол Улсын Хүний эрхийн Үндэсний комиссын тухай хуулийн 26.1.5 дах заалт, Хувийн мэдээлэл хамгаалах тухай хуулийн 30.2 дах хэсэгт заасныг үндэслэн Эрүү, Зөрчлийн шинжтэй гэж үзэн Цагдаагийн байгууллага руу шилжүүлж байгаагаа илэрхийлж гарын үсэг зурж тамга даржээ. /Хуулийн заалтуудыг нь зургаар хавсаргав.../

Эндээс харахад:

Нэгдүгээрт: ХЭҮК-ийн Хувийн мэдээлэл хамгаалах хэлтсийн даргын албан үүргийг түр орлон гүйцэтгэгч С.Ганзориг гэх албан тушаалтан Хувийн мэдээлэл хамгаалах тухай хуулийг буруу хэрэглэсэн байна. Учир нь биометрик буюу хүний эмзэг, дахин давтагдашгүй, нууц байх болох мэдээллийг хэлдэг. Үүнийг нь zuv.mn сайт нийтлэлдээ огт оруулаагүй бөгөөд гагцхүү нийтийн смүлжээнд тархсан Нийтийн албан тушаалтан С.Ганзоригын цээж зургийг л нийтлэлдээ тавьсан. Тэгэхлээр цагаан дээр хараар биччихсэн Хуулийг буруу хэрэглэнэ гэдэг бол нэг бол санаа зорилготой үйлдэл, нөгөө бол үнэхээр хууль мэддэггүй хүний үйлдэл. Наад зах нь chatgpt-ээс хүний биометрик мэдээлэл гэж юу вэ гээд асуучихад ийм хариу өгч байна.

Хоёрдугаарт: ХЭҮК-оос Сүхбаатар дүүргийн цагдаа руу ийм бичиг ирлээ ч гэсэн Цагдаагийн байгууллага Нийтийн албан тушаалтан Хөтөлийн цемент шохой ТӨХК-ийн дарга Н.Ганхуягийг гомдлыг галгаж нягтлахдаа зөвхөн баримттай холбоотой хэсгийг шалгахын оронд интернэтээр хэн ч хайж олж болох “Н.Ганхуягийн зураг нийтлэлдээ оруулсан нь хууль зөрчсөн байна“ гэж үзэн Зөрчлийн хуулийн дагуу 20.0 сая төгрөгөөр zuv.mn сайтын редакцийг торгосон нь, түүнд нь хяналт тавьсан прокурор ингэж торгохыг хүлээн зөвшөөрсөн нь өөрсдөө хуулийн байгууллагын албан хаагчдын мэдлэг чадвар ямар түвшинд байгааг илэрхийлсэн үйл явдал боллоо.

Гуравдугаарт: Монгол Улсын Ерөнхий сайд Н.Учрал тус үйл явдлыг буруушааж гаргасан мэдэгдэлдээ “Хүний Эрхийн Үндэсний Комисс хүний эрхийг хамгаалах бус хүний үндсэн эрхэнд халдсан үйлдэл гаргасныг эрс буруушааж байна. Хэвлэл мэдээллийн салбарын эрх зүйн орчныг илүү боловсронгуй болгоход Хувь хүний мэдээлэл задруулах, хамгаалахтай холбоотой Эрүүгийн болон Зөрчлийн хуулийн асуудлыг өөрчлөн шинэчлэх шаардлагатай. Хувь хүний мэдээлэл хамгаалах хууль нь ойлгомжгүй, хууль сахиулагч өөрийн үзэмжээр тайлбарлах боломжтой хуулийн хийдэл юм” гэжээ.

Ерөнхий сайд хэвлэн нийтлэх үйл ажиллагаанд саад болохуйц үйл ажиллагааг буруутгаж мэдэгдэл гаргасан нь сайшаалтай ч түүний мэдэгдэл дэх дээрх үг нь хууль нь өөрөө буруу байгаа юм шиг, хууль нь ойлгомжгүй байгаа юм шиг, эсвэл хуулийг боловсронгуй болгох зайлшгүй шаардлагатай юм шиг, хуулийг хуульчид буруу ашиглах хэмжээнд хоёрдмол утгатай байгаа юм шиг тайлбарлажээ.

Дөрөвдүгээрт: Үнэн хэрэгтээ хууль нь маш тодорхой, ямарч ойлгомжгүй зүйлгүй, хоёрдмол утгаар ойлгох үндэсгүй байгаа боловч түүнийг ХҮЭК-ийн албан тушаалтан, Их засаг ИХ-ийг төгсөгч С.Ганзориг “зориуд, санаатайгаар хувьдаа ашигдах гэсэн, найзыгаа өмөөрч, хэвлэл мэдээллийн байгууллагыг буруутгах гэсэн” үйлдэл байж болзошгүй гэж хардаж байна.

Энэ бүгдээс харахад мэдлэг чадваргүй, ёс зүйгүй төрийн албан хаагчид төрийн ажлыг хувийн харилцаа, найз нөхдийнхөө талд “нааштайгаар” шийдвэрлүүлэхийн тулд, Монгол Улсын хуулийг буруу тайлбарлаж, ишлэж, үүгээрээ хэвлэл мэдээллийн байгууллагын дуу хоолойг боомилж, тэдэнд санхүүгийн дарамт үзүүлэх гэж улайрсан хандлагыг дахин гаргах ёсгүйг ХҮЭК төдийгүй Хууль хяналтын байгууллагууд бүх шатандаа анхааран үзнэ бизээ..

Ц.Мөнх

Amlalt.mn