Улс төрийн намууд нүүрсний хулгайн хэргээр хоригдож байгаа Б.Ганхуягийг байлцуулан нээлттэй хэлэлцүүлэг, сонсгол явуулахыг хүсэж гарын үсэг зурцгаажээ. Маш зүйтэй. Ингэх ёстой.

Ингэж бүгдээрээ суугаад бүлээн усаар угаах хэрэгтэй. Б.Ганхуяг ярих хэрэгтэй. Б.Ганхуяг хэн бэ гэдгээ таниулах хэрэгтэй, танихгүй байгаа хүмүүсийг таниж байна уу гээд асуух хэрэгтэй. Тийм шаардлага байна шүү дээ.

Тэгэхгүй бол цаад улс төрчид чинь, Ш.Раднаасэдийн оронд А.Ариунзаяаг, Ц.Анандбазарын оронд Б.Гүнбилэгийг оруулах ухааны л юм ярьсан шиг, цаг нөхцөөсөн шиг байна шүү дээ.

Ш.Раднаасэдийн хэлдгээр улс төрчид ийм л цэвэдгээс цэвдэг байгаа юм. Ийм болохоо Б.Ганхуяг цэвдгээс цэвдэгт нэгэнт “хөл дүрсэн” учир одоо үнэнийг ярих хэрэгтэй. Тэрхүү улс төрийн намынхны хэлээд байгаа хэлэлцүүлэгийг явуулж өгөөч ээ гэж өөрөө хүсэх эрхтэй, уриалах хэрэгтэй. Тэгээд бүгдийг ярих хэрэгтэй.

Н.Удаанжаргал ч гэсэн Америкаас онлайндаад Б.Ганхуягтаа нэмэр болох хэрэгтэй. Женко ч эмнэлэгээсээ бас ярих хэрэгтэй. З.Энхболд ч тэр хэлэлцүүлгийг нь оройлон оролцоод үнэн цагааныг ялгах хэрэгтэй. Тэгэхгүй бол энэ нүүрсний хэрэг чинь бүр сонин болоод явчихлаа.

Д.Баясгалан гэдэг банкир уурсан ярьж байна. Би л зориглосон юм. Эс тэгвэл энийг чинь, энэ төмөр замыг чинь тавих хүнгүй байсан. Эдүгээ мөнгөө авмаар байна гэж хэлсэн байна. Л.Мөнхбаясгалан түүнийг нь дамжуулсан байна. Нүүрсний хулгайн эсрэг Ш. Раднаасэдийн бүлгийн 28 яг одоо л хөдөлдөг цаг шүү дээ.

Үндэсний ардчилсан нам, Иргэний зориг намууд тэргүүлсэн олон намуудын нээлттэй хэлэлцүүлэг сонсгол явуулах хүсэлтийг нэн даруй шүүрэн авч ажил хэрэг болго л доо. Тэгвэл тэнэсэн төөрсөн нүүрсчид чинь нэг зам дээр гармаар харагдаж байна шүү дээ. Энэ агуулгыг улсын эрхтнүүд бодолцоод тэр хэлэлцүүлгийг хийгээч дээ.

Шинэ он гарах гэж байна, хуучин онд хулгайгаа үлдээгээд шинэ ондоо шинэ л ормоор байна шүү дээ. Гэхдээ Монголын эдүгээн төрийг баригч олонх олигархи байсан цагт шинэ цаг ирэхгүй, иймээс эрх баригч намын дарга өчигдөрхөн нүүрсэнд, Хөгжлийн банкины асуудлуудад, хулгайд холбогдсон улс төрчдийг шалгуул гэснээрээ даамай шалгуулаад, ирэх сонгууль, ээлжит бус сонгуульдаа шинэ оюун санаа, шинэ ухаан, хулгай хийдэггүй, баялаг бүтээхийг баараггүй мэддэг, хууль ёс, ёс зүйг дээлдэг элит залуусаар энэ орноо удирдуулах алхмыг, зарчмын шийдлийг эн өндөр хийх хэрэгтэй байна.

Ийм учраас нээлттэй өргөн хэлэлцүүлэгт Б.Ганхуяг гэдэг хүнийг “урин” оролцуулж, оны өмнө олон нийтийн өмнө нүүрсний хулгайчдаа нэгмөсөн тодруулж авах нь Үндэсний эрх ашигт нийцнэ. Б.Ганхуяг туслах хэрэгтэй.

Б. БАЯР

Амлалт.мн