- Эс чадах нь иргэдийнхээ дунд орон чадахаа хийж, сонгох эрхээ эдлэн, нийтийн баялагийг бүтээлцэх учиртай-

- Зүгээр нэг гишүүн биш, зөв үлгэр мөртэй гишүүн байгаасай -

Эвтэйхэн, зөв хүний дүрх ч нэг тийм мэдэгдээд байдаг даа. Дорноговиос сонгогдсон Т.Энхтүвшин нэг тийм зөв байцын хүн харагдаад байдаг. Манай УИХ-д нэр цэвэр, аймгийн даргаар ажиллаж байсан, хэдэн аятайхан залуу байдаг. Нэг нь Төмөртогоогийн Энхтүвшин л дээ. Аймгийн даргаар ажиллаж байсан, амьдралын нарийн ширийнийг язгуураас нь мэддэг байхаар үзэгддэг. Төрх хандлага нь аядуухан. Юутай ч УИХ-д орж ирсээр энгүүхэн, аятайхан улс төрчийн төрх байдлын имижийг бий болгожээ.

Дорноговь аймаг бол Монголын онцгой бүс нутаг байна. Тээвэр ложистикийн төв бүс нутаг. Бас экосиситемийн хувьд чухаг орон газар. Аймгийн даргаас УИХ-ын гишүүн болсон Т.Энхтүвшинд хийх ажил их бий дээ. Олон олон хүний янз бүрийн эрх ашиг, гуйвар түүвэр, сонирхлын зөрчлүүд гээд. Ээдрээтэй л зам жимээр явж байгаа байх. Зарчмын зөв байр сууриа илэрхийлээд, санаатай санаагүй хүмүүсийн шуналын тойргоос биеэ хямгадаад явчихад болно доо.

Дорноговьд “Бадрах энержи” гээд ураны чиглэлийн нэг компани ажилладаг. Монголд оруулсан том л хөрөнгө оруулалт. Энэ компани руу янз бүрээр чуруу нүүлгэж байгаа харагддаг. Т.Энхтүвшин гишүүн энд дорвитой ажиллах хэрэгтэй. Дөрвөн хөлтэй ишиг үнэхээр гараад байна уу, үгүй юү гэдгийг нэг мөр нийгэмд ойлгуулах хэрэгтэй. Гадаадын соёлт нийгмээс орж ирсэн хөрөнгө оруулалтад хүндэтгэлтэй хандах хэрэгтэй.

Нөгөөтэйгүүр манай улс эрчим хүчний үнэхээрийн хомсдолтой байгаад л байна. Энэ компани, ажил олгогч Монголд хэрэгтэй зүйл хийж байгаа бол түүнийг нь ил тод хэлэх хэрэгтэй л үзэгддэг. Хөрөнгө оруулалт, төсөл гэдэг зүйл Монголд хичнээн чухлыг Т.Энхтүвшин гишүүн мэдээж сайн ойлгож байгаа. Энэ нутгаас сонгогдсон гишүүн болохоор нь иймэрхүү зүйлүүд өгүүлчихлээ.

Т.Энхтүвшин зөвийн хэрээр үлгэрлэн дагуулах зүйл олон байна. Одоо энэ нүүрсний хэрэг гэгч айхтар зүйлийг илэн далангүй яриад, эх орон, ард түмний эрх ашгийг илэрхийлээд ажиллах хэрэгтэй байна. Ацаглагдсан, аливаа бурууд холбогдоогүй байж ард түмний, эх орны эрх ашгийн төлөө дуугарнаа гэдэг чинь төрийн түшээгийн жинхэнэ ариун үүрэг. Т.Энхтүвшин гишүүнийг ингэж чаднаа гэж иргэд үзэх төлөв хандлага өндөр байна.

Зөвийн төлөө дуугараад, хүмүүс хүрээлээд нийгэм дэмжээд ирдэг сайхан хандлага байдаг даа. Төр засгийнхаа болж байгааг хэлээд болохгүй байгааг шүүмжлээд, зангарагтайхан ажиллачих намба төрх Т.Энхтүвшинд бодьтой л байх шиг.

Улс орныхоо төлөө урамтай, тод дуутай явахад, урдах ажил аяндаа цэгцэрч, түмэн олон түшээгийн суудлыг бэлэглэсээр л байх болно. Зүгээр нэг гишүүн биш, зөв үлгэр мөртэй гишүүн байж дархлагдаасай хэмээн эл цөөн өгүүлбэрийг эвлүүлэв.

З.БАЯРАА

Амлалт.мн