Барилга хот байгуулалтын сайд Ц.Даваасүрэн УИХ-д өргөн барьсан Газрын багц хуулийн төслийг эргүүлэн татаж байгаа талаар мэдээлэл хийлээ. Тус хуулийн төслийг Засгийн газраас өнгөрсөн зургадугаар сард өргөн барьсан билээ.
Тус хуулийн төслүүүдийг дараах хоёр үндэслэлээр татаж байгаа аж.
1. Хотын ерөнхий төлөвлөлт хийсний дараа газар олголтын асуудлыг шийдэх
2. Хөдөө орон нутаг, иргэдээс газрын хуультай холбоотой шүүмжлэл их байна
Хотын ерөнхий төлөвлөгөө гарсны дараа хуулийн төслүүдийг дахин өргөн барих аж.
Барилга хот байгуулалтын сайд Ц.Даваасүрэн: Бид цахим системээр нийслэлийн төлөвлөлтэй дагуу газрыг олгодог болсон. Гэхдээ нийслэлийн хувьд нарийвчилсан төлөвлөлт хийж гаргана. Нийслэлийн дахин төлөвлөлтийг хийсний дараа төлөвлөлтийн дагуу газар олгоно.
Тус хуулийн төсөлд бэлчээртэй холбоотой асуудлыг шийдээгүй байна гэдэг саналыг хөдөө орон нутгийн иргэд ирүүлж байгаа. Тухайн газар нутгаа тусгай хамгаалтад авдаг байсныг энэ хуулийн төслөөр болиулсан. Өөрөөр хэлбэл, бэлчээрийн зориулалтаар газрын тусгай хамгаалалтад авдаг байсныг болиулсан. Тиймээс энэ бүхнийг засахын тулд хуулийн төслүүдийг эргүүлэн татаж байна.
Манай улсад эрх бүхий зургаан байгууллагын 300 гаруй хүн газар олгож байгаа бөгөөд Газрын тухай багц хуулиар үүнийг цэгцлэх юм байна.
