Засгийн газрын авлигын эсрэг "5Ш"-ийн "Шувуу" ажиллагааны хүрээнд Т.Бадамжунайг авчрахаар Филиппин рүү ниссэн гэх мэдээлэл нийтлэгдээд байна.
Тодруулбал, түүний сургийг Филиппинээс гаргасан бөгөөд АТМ-аас мөнгө авч байхад Филиппиний хууль хяналтынхан илрүүлж, улмаар байршлыг нь тогтоон манай хууль хяналтынханд ирүүлсэн гэгдэж буй юм.
Тэгвэл одоогийн байдлаар түүнийг авчрахаар яваагүй бөгөөд хөөцөлдсөн хэвээр байгаа аж.
Т.Бадамжунайн хувьд: 2018 оны шинэ жилийн өмнөхөн эх орноосоо нууцаар явчихсан. Түүнээс хойш Монголдоо ирэлгүй тав дахь жилийнхээ нүүрийг үзэж байна. Тухайн үед онгоц, ядаж галт тэргээр бус “УАЗ-469” машинд суугаад Замын-Үүдээр гарсан гэдэг. Ийм мэдээлэл гарч байв. Гэхдээ “...Т.Бадамжунай яагаад эх орноосоо явах болсон бэ” гэдэгт өнөөг хүртэл ямар нэг тодорхой тайлбар байдаггүй.
Ямартай ч түүний нэр газрын наймааны асуудлаар хардалт дагуулдаг. Мөн хөдөө аж ахуйн сангийн мөнгөтэй холбоотой гэх нь ч бий. Түүнчлэн хил гарахынхаа өмнө өөрийн байрлаж байсан "Твин тауэр"-тээ их хэмжээний мөнгө авлигад авч байгаад хуулийнханд гардуулсан гэх барим тавим мэдээлэл ч дуулддаг билээ.
