Хууль хэрэгжиж байна. Монголчууд авлигатай тэмцэж чадаж байна гэдэг мессэж дэлхийд түгэж байна. Энэ бол Т.Бадамжунай гэдэг хүнийг Филиппинээс авчирч, шууд хорьсон явдлаас шууд үүтгэлтэй юм. Эл хэрэг явдал “Таван Ш” ажиллагааны тодорхойлолт болж байна. Түүнийг онгоцоос хууль хүчнийхэн харгалзан буулгаж, авч яваа тухай мэдээ бичлэг фото бол авлигачдад өгч байгаа бодит сануулга юм.

Авлигын хэрэг Монголд мартагдан замхардаг. Шүүх, прокуророор дамжиж яваад нэг мэдэхэд сураггүй болдог. Ийм байдлыг цаашид үргэлжлүүлэхгүй гэдэгт Засгийн газар, Хууль зүйн яам тодорхой хариултыг өчигдрийн Т.Бадамжунайг авчирсан үйл явдлаараа тодорхой харууллаа.

Одоо авлигын эсрэг үндэстнээрээ ажиллаж, эрмэлзэж, нэр хүндээ аврах учиртай. Т.Бадамжунайг авлигын эцэг гэж тод томруун мэдэгдсэн хүн бол эдүгээ Түгжрэлийн сайд Ж.Сүхбаатар.

Энэ хүн одоо мөнөөх хүнийг тийн хэлсэнээ нотлох баримт мэдээллийг хууль хяналтынханд өгөх хэрэгтэй. Мэдүүлэг өгөх хэрэгтэй. Гэрчийн. Би Түгжрэлийн сайдаа гээд арагш сууж болохгүй. Хүн бүр авлигын асуудлыг нотлолцож, хүний эрхийг хангах замаар шударга ёсыг өдөр бүр тогтоох нь улсын явдалд нэн тустай.

Батлан хамгаалахын сайд миний эрхлэх хүрээ Хилийн цэрэг биш ээ гээд сууж болохгүй. Хил дээр авлига гарвал хилийн асуудлаа гээд арагш сууж болохгүй. Хилээр зөрчил илэрвэл Хууль зүйн сайдын асуудал аа гээд гэдрэг байж үл болно. Ингэж бултаараа, улс орноороо болохгүй байгаа, бүтэхгүй байгаа асуудалд идэвхийлэн хандаж сайн засаглалыг тогтоох учиртай.

Д.Амарбаясгалан дарга шүүр ажиллагааг удирдаж байгаа. Хийдүүлэн, хуулийн завсар зайг аргалан ажиллаж байгаа бусармаг олон улсыг ажлаас халах нь шударга ёсонд нийцнэ. Монголдоо ажиллах гэж ирээд намын цүнх баригчдын ард хоцорч буцан гадаад руу одож байгаа сэхээтнүүддээ боломж олгох ёстой, Монголын төр.

Тэтгэвэрийн нас нь талийсан ч тэнд эндгүй томилогдон, намын нэр лаахайд шигдсэн Х.Бадамсүрэн мэтээ явуулах нь зохистой.

Эрдэнэт үйлдвэрийн хэсэг залуус мөрдөнд сууж байна. Ийм байдлыг хэн болгосон. Эзэн тодорхой. Нутгийн залуусаа сугалаад байна гэж Эрдэнэтийнхэн ярилцах. Шилэн Цогоо хэлээд л байгаа. Үнэний хувьтай. Намаар гүйж, намын төлөө явсанаа уйлан хайлж, ажил амьдралгүй болохоо гайхсан олон хүмүүс байна гэж дуулдах. Нам тэжээгч биш. Нам бол улс төрийн үзэл санааны индэр. Намыг тойрсон өлөн “бөөс”, арчаагүй “угаадаснуудаасаа” Ардын нам салж байж л улс орон урагшилна. Нам, нам шиг болно.

Эс тэгвээс ер сайн зүйл гарахгүй. Үхширсэн нозоо, эрүүлийн хөрсгүй энэ байдлыг Л.Оюун-Эрдэнэ, Х.Нямбаатар, дагаад Д.Амарбаясгалан нар цэгцлэхээр зүтгэж байх шиг байна. Ингэхээс аргагүй. Дэлхий хөгжөөд, дэлэм дэлэмээр урагшилж байна. Манайх дөчин их наядын нүүрсний хулгайтай сууж байгаа. АТГ-ын саналаар гэнэ үү, нүүрсний асуудлаарх хэлэлцүүлэг хойшилсон гэх. Энэ ямар учиртай юм болж байна. Энийг судлаа аа, сэтгүүлчид ээ, иргэд ээ.

Энхбадрал гээд залуу хэлсэн байна лээ. Дуугүй байсан, нүдээ анисан мөч болгонд хулгай гаарч байна гэсэн агуулгатай үг хэлсэн байна лээ. Энэ гарцаагүй үнэн. Цаг мөч бүрт дуугар, цаг мөч бүрт тэмц иргэд ээ, сэтгүүлчдээ. Ингэж байж улсад гэрэл гарна, гэгээ татна. Шүүр ажиллагааны хүрээнд төрийн өмчит компани, яам тамга, ер төрийн бүхий л байгууллага болохгүй кейстэй бүхнээ Засгийн хэрэг эрхлэх дээр ирүүлсэн байх болзоот цаг болсон. Өнөөдөр байх бараг.

Одоо Дашзэвэгийн Амарбаясгалан бүгдийг нь гэдэс доторгүй ярь. Хэн хэний толгойлсон байгууллагад ямар завхрал гарсаныг. Нэр хаягтай нь тов тодорхой хэлэх хэрэгтэй. Үүнийг олон нийт хүсэж байна. Засгийн газрын чин зорилго ч ийм байгаа гэж ойлгогдож байгаа. Засгийн газрын гишүүдээ байлгаж байгаад Хэрэг эрхлэхийн дарга олон түмэнд мэдээлбэл зохино.

Сангийн яамны ажилчид санхүүгийн эх үүсвэр бүхий ямар олон хөтөлбөрт ажлын нэрээр хамааралтайг Сангийн сайдыг байлцуулаад ярих хэрэгтэй. Батлангийн Сайд Г.Сайханбаярыг байлцуулаад Батлан хамгаалахын ажилчид ямар асуудлаар нотой байгааг ярих нь эрүүл харагдана.

Засгийн газрын шүгэл шүүр ажиллагаа, Таван “Ш”-ийн хэрэгжүүлэлтэд Засгийн газрын сайдууд л оройлох хэрэгтэй дээ. Х.Нямбаатарархуу л...

Б.БАЯР

Amlalt.mn