ЦХХХ-ны сайд Н.Учрал "Шилэн" ажиллагааны хүрээнд мэдээлэл хийлээ.
Төрийн өмчийн байрны түрээсийн мэдээллүүд болон төрийн өмчит компаниудын ТУЗ-ийн цалингийн мэдээллийг нэмэгдүүлжээ. Мөн ХААДС-гийн мэдээллийг нэмэгдүүлж, ил тод болгосон байна. Шинээр Жижиг, дунд үйлдвэрлэлийг хөгжүүлэх сангийн ил болж буй нийт төлбөрийн үлдэгдлийн хэмжээний талаар мэдээлжээ.
Тэрбээр "Нийт 1745 компани ба хуулийн этгээдийн төрийн өмчийн 314 байр, объект дахь 148,699 ам.дөрвөлжин талбайн түрээсийн мэдээллийг shilen.gov.mn-д байрлууллаа. Төрийн өмчийн байр талбайн түрээсийн нийт орлого 2022 оны байдлаар 21.9 тэрбум төгрөг болжээ.
Түрээсийн орлогоос улсын төсөвт өнгөрсөн оны байдлаар 7.7 тэрбум төгрөгийг төвлөрүүлсэн. Төрийн өмчийн байруудыг бусдад хэрхэн үр ашигтайгаар түрээслүүлж, төсөв бүрдүүлж буй нь чухал юм" гэлээ.
Үргэлжлүүлэн тэрбээр "ТӨК-уудын ТУЗ-ийн талаар Эрдэнэс Тавантолгой, МИАТ, ДЦС гэх мэт томоохон аж аухйн байгууллагуудын мэдээллийг нэгтгэсэн. Эрдэнэс Монголын таваас бусад ТУЗ-ийг нь татан буулгасан. Улмаар 30 гаруй тэрбум төгрөгийг хэмнэж байна.
ХААДС-ийн зээлийн мэдээлэл нэмэгдэхийн хэрээр үлдэгдэл өсөж байна. 8999 зээлийн мэдээлийг ил тод болгоход 169.9 тэрбум төгрөгийн авлага нэмэгдлээ" гэлээ.
Цаашид Засгийн газрын сангуудын мэдээллийг ил тод болгох юм байна. Ерөнхий сайдын албан даалгаврын дагуу зургаадугаар сарын 1-нээс өмнө олон нийтэд мэдээллээ ил болгохгүй бол тухайн албан тушаалтанд хариуцлага тооцож, АТГ-т шилжүүлэх ажээ.
Amlalt.mn
