-“МАН Ардчилсан намын Засгийг хоёр гурван төсөвтэй болсон гэж шүүмжилдэг байсан бол өнөөдөр 10 төсөвтэй болчихсон байна” гэж хэллээ-
Төрийн эрх барих дээд байгууллагын дэд дарга С.Одонтуяа, Бүлгийн дарга О.Цогтгэрэл нар өнөөдөр мэдээлэл хийлээ. Энэ үеэр С.Одонтуяа, “МАН Ардчилсан намын Засгийг хоёр гурван төсөвтэй болсон гэж шүүмжилдэг байсан бол өнөөдөр өөрсдөө 10 төсөвтэй болчихсон байна” гэж хэллээ.
Энэ бол МАН -ынхны бий болгосон далд эдийн засаг, төсвийн алдагдлын энгүй их тоо зэргээс үүдсэн асуудлууд болох нь ойлгогдож байна. Тухайлбал, Эрдэнэс Таван толгой компани дээр санаанд багтамгүй том далд эдийн засаг бий болж, хэдхэн олигархи, тэдний цүнхийг барьж, долоох армиас бүрдсэн бүтэц эцэс төгсгөлгүй идэж ууж байгааг эрх баригчид өөрсдөө зөвшөөрч, Ерөнхий сайд Л.Оюун-Эрдэнэ, Засгийн газрын хэрэг эрхлэх газрын дарга Д.Амарбаясгалан, Эдийн Засгийн хөгжлийн сайд Ч.Хүрэлбаатар нар тов тодорхой хэлсэн.
Бүрэн эрхт төлөөлөгч Ж.Ганбат гэж эрх мэдлийн төгөлдөршил болсон хүнийг томилж, мөнөөх БЭТ хэсэг хүмүүсийг ажлаас халж, АТГ-т шилжүүлэв. Энэ Ж.Ганбат гуайг Монголын эдийн засгийн эрүүлжүүлэлтийг хийж байгаа хүн гэвэл болох байх. Тэрбээр Ерөнхий сайд, Ерөнхийлөгч нарын нэн дотно хүн бөгөөд, тэдний ашиг сонирхол, хамтрал бүх зүйл дээр од мэт харагддаг хүмүүн гэж нийт олноор хэлэлцэх. Хөгжлийн банкны ТУЗ-ийн дарга. Энэ банк дээр бий болсон заваан шаврыг бас янзалж, эх орныхоо төлөө зүтгэж байгаа хүн. Ерөнхий сайд энэ түгээмэл өндөр шалгарсан Хэнтийн Ж.Ганбатаа дахин нэг байгууллагад Бүрэн эрхтээр томилж ажиллуулмаар байна.
С.Одонтуяа даргын хэлээд байгаа тэрхүү 10 төсвийн нэг бол Улаанбаатар хувь нийлүүлсэн нийгэмлэг хэмээх айлд бий болсон асуудлыг хэлж байж тун мэдэхээр байна. Улс урд хил рүү нэг мухар төмөр зам барьсан. Ач холбогдол огт үгүй. Иймэрхүү ажлын дадалтай Төмөр замын вант улсад вагон тавьж, ачаа эргэлт хийнэ гэдэг асуудал нэн ужгирчээ. Тус нийгэмлэг өөрөө хэдхэн вагонтой. Ихэнх вагон хувийн хэвшлийнх. Эдгээр вагоныг тээвэрлэлтийн зам дээр гаргаж, ачаа ачих боломжийг “Вант улсын” дарга ганцаар Х.Хэрлэн мэддэг аж.
Мөн түүний дээр суусан Удирдах зөвлөл. Энэ л эрх баригчдын цаана Засгийн эрх баригчид, Улсын нэгдүгээр хүн байдаг гэх хардлага байна. Өдгөө, нэгэн бүлэг вагон тавьж ачаа эргэлт хийхэд Төмөр замын газарт наян сая төгрөгийг тарифын дагуу төлдөг байна. Гэвч вагон тавихыг хясан боогдуулах замаар, эрх олгох дамжлагад мөнхүү наян саяыг хоёр гурав нугалсан далд мөнгийг цөөхөн хүний эрх ашгийг хангах замаар эргэлдүүлдэг гэдгийг Төмөр зам хавьд ажил хийх гэсэн олон олон залуус барим тавин ярих ажээ.
Энэ асуудлыг Төрийн өмчийн бодлого зохицуулалтын газрын дарга хянах учиртай, түүнийг шударга үнэний туйл болж яваа гэж итгэсэн Засгийн газрын удирдагчид анхааралдаа авч, Хэнтий аймгийнхнаар пиг дүүрсэн хууль хяналтын байгууллагынхан шалгаж тогтоогоосой билээ.
Тиймээс албан тушаал, авлига бугшсан Төмөр замын асуудлыг нэг анхаарна байгаа, Ерөнхий сайдаа.
У.Долгион
Амлалт.мн
