УИХ дахь МАН-ын бүлгийн дарга Д.Тогтохсүрэн мэдээлэл хийлээ. Тэрээр "МАН-ын бүлгийн хуралдаанаар ҮХНӨ-ийн төсөл болон зарим оронд байгаа элчин сайд нарыг эгүүлэн татах, шинээр томилох асуудлыг зөвшилцөх тухай Ерөнхийлөгчийн саналыг хэлэлцсэн.
Улмаар бүлгийн хурлаас Монгол Улсын Үндсэн хуульд оруулах өөрчлөлтийн төслийг бүлгийн хурлаар дэмжлээ.
Ерөнхийлөгчөөс хэд хэдэн Элчин сайдыг эгүүлэн татах, дөрвөн улсад суух Элчин сайдыг томилохыг зөвшилцөх санал ирүүлсэн.
Тухайлбал,
- С.Золжаргалыг Монгол Улсаас Бүгд Найрамдах Куба улсад суух Онц бөгөөд Бүрэн эрхт Элчин сайдаар
- Б.Баярсайханыг Монгол Улсаас Япон улсад суух Онц бөгөөд Бүрэн эрхт Элчин сайдаар
- Б.Энхбатыг Монгол Улсаас Бүгд Найрамдах Солонгос улсад суух Онц бөгөөд Бүрэн эрхт Элчин сайдаар
- Э.Сарантогосыг Монгол Улсаас Канад улсад суух Онц бөгөөд Бүрэн эрхт Элчин сайдаар томилох санал байгаа юм.
Эдгээр саналыг намын бүлэг хэлэлцээд зөвшилцөхийг дэмжлээ" гэв.
Amlalt.mn
