Ерөнхий сайд Л.Оюун-Эрдэнийн баруун аймгуудад хийсэн уулзалтууд Ховд аймгийн уур амьсгал нэлээд ширүүхэн, олон өнгөтэй байв. Хурлын зааланд,
Нэг. Ерөнхий сайдын ажлын багаас очиж, засаг даргаар ажиллаж буй Э.Болормааг орон нутаг дахь тендер болон бусад эрх ашигтай ажиллагааг нь тасалсан тул зориудаар "Дагуулж ирсэн шар хүүхнээ аваад яв" гэх агуулгаар иргэдийг үг хэлүүлж, үүнийгээ медиа орчинд идэвхтэй тараасан байдал.
Хоёр. Ховд аймгийн Мянгад суман дахь Д.Эрдэнэбилэгийн эзэмшилд хамаарч буй "Халзан бүргэдэй" ордод хайгуулын өрөм тавих, цаашлаад эдийн засгийн эргэлтэд оруулах асуудлыг орон нутгийн иргэд "ДЭМЖИХГҮЙ" байгаа уур амьсгалыг уулзалтын үеэр төрүүлэх нөхцөл бүрдүүлэхэд тодорхой хэсгүүд анхаарсан байна.
Мөнхүү Ерөнхий сайдыг Ховд аймагт очихоос өмнө Ерөнхийлөгч асан Ц.Элбэгдорж тус аймагт очсон нь анхаарал татаж байна.
Тэрбээр "Халзан бүргэдэй" ордын асуудлаар иргэд жагсаал хийх гэж саармагжуулах, улмаар Ерөнхий сайдтай уулзах зэрэг асуудалд анхааран ажилласан гэх мэдээлэл байна. Уулзалтын саналд Засгийн газрын тэргүүн татгалзсан хариу өгсөн гэдгийг эх сурвалжууд тодотгож байна.
Ховд аймаг нь Ерөнхийлөгч асан Ц.Элбэгдоржийн төрөлх нутаг багаад ХХБ-ны ТУЗ-ийн дарга Д.Эрдэнэбилэгтэй ойрын харилцаатай нэгэн юм.
Г.ИТГЭЛ
Эх сурвалж: eguur.mn
