ШХАБ-ын хуралдаан| Монгол улс БНХАУ-тай хамтран ажиллах хүрээнд дараах ойлголцолд хүрлээ

Монгол Улсын Ерөнхий сайд Л.Оюун-Эрдэнэ ШХАБ-ын гишүүн, ажиглагч орнуудын засгийн газрын тэргүүн нарын зөвлөлийн өргөтгөсөн хуралдаанд оролцож үг хэллээ. Тэрбээр "далайд гарцгүй орнууд нэгдэж эдийн засгаа тэлэх нэгдэл байгуулахыг уриалсан нь Монгол улсын хувьд том амбицаа илэрхийлсэн үйл явдал боллоо" гэсэн юм.

Мөн Монгол Улс, ОХУ, БНХАУ-ын гурван талт хамтын ажиллагааны хүрээнд хэрэгжүүлж буй үйл ажиллагааны талаар дурдаж, цаашид хийж хэрэгжүүлэх ажлын талаар харилцан санал солилцлоо. Энэ хүрээнд БНХАУ-тай хоёр талын хамтын ажиллагааны асуудлаар дараах ойлголцолд хүрсэн байна.

-Ногоон хөгжил экологийн тэнцвэрт байдлыг хангах. Энэ хүрээнд шар шорооны шуурга, тэрбум мод, говийг усжуулах . Хятад улсын инновацийг Монголд нэвтрүүлэх зэрэгт хамтрах.

-Улаанбаатар хотын асуудал - Хэт төвлөрлийг сааруулах, хот хөдөөгийн тэнцвэрийг хангах болон Метро, шинэ гүүр барих зэрэг ажлуудыг эхлүүлэх.

-Улаанбаатар хотын тойрог замыг холбох. Хөдөөгийн таван бүсэд хуваан, хөгжүүлэх хөтөлбөрийг хэрэгжүүлэх.

-Гэр хорооллын барилгажилт дээр хамтран ажиллах буюу ухаалаг хотын төсөл дээр мэргэжилтэн бэлтгэх

-Аялал жуулчлалыг хөгжүүлэх. Энэ хүрээнд өвлийн аялал жуулчлалыг хамтран хөгжүүлэх буюу Тур компаниудыг холбох. Хятад улсад Монголын аялал жуулчлалыг бодлогоор сурталчлах зэрэг ажлууд багтсан байна. Хятадын тал эдгээрийг мөн бодит ажил хэрэг болгохоор болжээ.

Amlalt.mn