Монгол Улсын урт хугацааны хөгжлийн баримт бичиг “Алсын хараа-2050”, Засгийн газраас хэрэгжүүлж буй “Шинэ сэргэлтийн бодлого, “Цахим аймаг” бодлогын зөвлөмжийн хэрэгжилтийг хангах, ажлын хүрээнд “Цахимд хэвшье” уриатай “Digital first D-1” арга хэмжээнд “И-Монгол академи” УТҮГ-ын ажлын хэсэг Говьсүмбэр аймагт 2024 оны 03 сарын 10 наас 3 дугаар сарын 11-ний өдрүүдэд ажиллаа.
Тус ажлын хүрээнд Салбар дундын зохицуулалтын газрын дарга Х.Энхманлай аймгийн төрийн болон хувийн хэвшлийн удирдах түвшний 60 албан хаагчдад “Орон нутгийн төрийн үйлчилгээнд процессын шинжилгээ хийх, дахин загварчилж төрийн үйлчилгээний нэгдсэн системд холбох төсөл” сэдвээр илтгэл тавилаа.
Цахим ур чадварын газрын сургагч багш О.Билгүүн Албан бичиг солилцооны дундын систем Docx болон төрийн байгууллагуудын дотоод үйл ажиллагаа удирдлагын нэгдсэн систем ERP, Sudalgaa.gov.mn сэдвүүдээр онол практик хосолсон сургалтыг хийж Говьсүмбэр аймгийн 45 төрийн албан хаагчдыг хамруулсан юм.
Хамтын ажиллагаа хэрэглэгчийн газрын мэргэжилтэн Б.Ариунтуяа, М.Золзаяа нар “E-Mongolia” платформ төрийн цахим үйлчилгээний талаарх танилцуулга, шинээр бүртгэл үүсгэх, нууц үг сэргээх, утасны дугаар солих заавар зөвлөгөө мэдээллийг аймгийн иргэдэд өгч ажиллалаа.
