Маргааш буюу дөрөвдүгээр сарын 4-нд БНХАУ-ын “Ханш нээх” баярын өдөр тохиож байгаа тул Монгол, Хятадын хилийн авто замын боомтууд ажиллахгүй. Харин олон улсын галт тэрэг болон нисэх онгоц хуваарийн дагуу зорчино.
Дөрөвдүгээр сарын сарын 1-нээс Замын-Үүд боомт 24 цагаар ажиллаж эхэлсэн. Тус боомтоор цагт 900 зорчигч, зорчигч тээврийн 100 хэрэгсэл нэвтэрч байсан бол одоо цагт 5000 зорчигч, 500 тээврийн хэрэгсэл нэвтэрч, өдөрт 20.000 хүнд үйлчлэх боломж бүрдээд байгааг албаныхан мэдээлсэн юм.
