ЦХХХ-ны дэд сайд Ж.Эрхэмбаатараар ахлуулсан төр, хувийн хэвшлийн хамтарсан баг “Цахимд хэвшье” уриан дор нэгдэн Говь-Алтай, Ховд, Баян-Өлгий, Увс, Завхан аймагт ажиллаж байна.

Ховд аймагт 04 дүгээр сарын 05-ны өдөр “Цахим хөгжлийн өдөрлөг” зохион байгуулсан бөгөөд Монгол Улсын цахим шилжилтийг эрчимжүүлэх, “Цахим аймаг” бодлогын зөвлөмжийг орон нутагт хэрэгжүүлэхэд бодлогын дэмжлэг үзүүлэх зорилтуудын хүрээнд “И-Монгол академи” УТҮГ-ын баг дараах ажлыг зохион байгуулжээ.

Ховд аймгийн төрийн болон хувийн хэвшлийн удирдлагууд, сумдын ЗДТГ-ын дарга нарт Салбар дундын зохицуулалтын газрын процесс аналист Г.Будням орон нутгийн төрийн үйлчилгээнд процессын шинжилгээ хийн дахин загварчилж Төрийн үйлчилгээний нэгдсэн системд холбох төслийг танилцууллаа.

Мөн Цахим ур чадварын газрын сургагч багш О.Билгүүн төрийн байгууллагуудын ахлах мэргэжилтэн, сумдын оператор, мэдээллийн технологийн ажилтнуудад “И-Монгол академи” УТҮГ-ын хариуцан ажилладаг төрийн албан хаагчдад зориулсан системүүдийн танилцуулгыг хүргэв. Үүнд:

Албан бичиг солилцооны дундын систем DOCX,

Төрийн байгууллагуудын дотоод үйл ажиллагааны удирдлагын нэгдсэн ERP систем,

Үндэсний судалгааны нэгдсэн платформын /sudalgaa.gov.mn/

Нутгийн иргэдэд “E-Mongolia” платформтой холбоотой заавар, зөвлөгөө өгөх, Ховд аймгийн төрийн байгууллагын цахим үйлчилгээг таниулах ажлыг Хэрэглэгчийн үйлчилгээний хэлтсийн оператор ажилтан М.Золзаяа гүйцэтгэж ажиллалаа.

Ховд аймгийн төрийн 66 үйлчилгээгээ E-Mongolia платформд нэвтрүүлсэн бол тус аймгийн 38,548 иргэн E-Mongolia платформыг тогтмол ашиглаж байна.