Засгийн газар “Орон нутагт 300 мянган айлын орон сууц барина” гэж амлаж байсан. Гэтэл энэ онд 100 суманд тус бүр найман айлын орон сууц барих ажлыг эхлүүлнэ гэдгээ мэдэгдээд байна.
Барилга хот байгуулалтын сайд Ц.Даваасүрэн хэлэхдээ “...Дэд бүтэц татсан 100 суманд найман айлын орон сууц барина” гэжээ. Энэ бүтээн босголт нь хөдөөгийн сэргэлт бодлогын хүрээнд төрийн албанд ажилладаг албан хаагчдыг тогтвор суурьшилтай амьдрахад нь дэмжлэг үзүүлэх зорилготой 800 айлын орон сууц барих ажил юм байна.
2023 оны гуравдугаар сарын 23-ны байдлаар Ц.Даваасүрэн хэвлэлд мэдээлэл өгөхдөө “НИТХ-аас гэр хорооллын дахин төлөвлөлтийн төслийг хэрэгжүүлэхэд 28 байршилд 18843 нэгж талбайд газар чөлөөлөлт хийж, 148 мянган айлын орон сууц баригдахаар баталсан юм.
Өнөөдрийн байдлаар 18 байршилд 45 төсөл хэрэгжүүлж байна. Инженерийн дэд бүтэц тэр дундаа дулааны асуудал бэрхшээл учирсан учраас цаашдаа орон сууц барих хүнд болсон.” гэж https://www.zindaa.mn/4jpm ярьсан.
Иргэдийг орон сууцжуулах талаар авах зарим арга хэмжээний тухай Засгийн газрын тогтоол амлалтандаа хүрэхэд юу саад болж байна вэ? https://legalinfo.mn/mn/detail?lawId=17048057037321
Төрөөс хот, хөдөө, орон нутгийг хөгжүүлэх бодлогын хүрээнд барилгын компаниудад захиалга өгч, бариулах орон сууцанд эхний ээлжинд зөвхөн төрийн албан хаагч, дарга нар, танилтай хүмүүс хамрагдана.
Харин орон байргүй бусад иргэд аюулгүй, эрсдэлгүй тайван амьдрах нөхцөл бүрдээгүй хөлсний өрөө, байрандаа амьдарсан хэвээрээ үлдэх үү…
Энэ нь МАН буюу эрх баригч намын ард иргэдээ ялгаварлан гадуурхсан, тэгш бус хандлагатай “бодлого” гэж хэлэхээс өөр арга зам харагдахгүй байна.
Б.БАЯРМАА
