Хятад, Монголын сэтгүүлчдийн хамтарсан сурвалжилга үргэлжилсээр байна. Энэ хүрээнд бид ӨМӨЗО-ны Улаанхад хотын музейтэй танилцлаа. Тус музей нь 11.000 квадрат метр барилгын талбай, 4000 гаруй квадрат метр үзэсгэлэнгийн талбайтай бөгөөд судалгаа, боловсрол, үзмэрийг нэгтгэсэн орчин үеийн олон үйлдэлт гэдгээрээ онцлогтой.
Түүнчлэн энэхүү музейд 80.000 гаруй түүх соёлын дурсгалт зүйлс хадгалж байгаагийн 80 хувь нь археологийн малтлагын үр дүн бөгөөд зарим нь цуглуулан хандивласан бүтээл байдаг аж.
Тухайлбал,шаазан, хүрэл, модон, хаш, чулуу, яс, хясааны төрлийн багаж, төмөр, алт, мөнгө, торго, даавуу, арьсан эдлэл, ханын зураг, уран бичлэг, уран зураг гэх мэт төрлийн цуглуулга тус музейд хадгалж байна. Эдгээрийн дотор нэгдүгээр зэрэглэлийн 133 ширхэг түүх соёлын дурсгалт зүйлс, хоёрдугаар зэрэглэлийн түүх соёлын дурсгалт зүйлс 381 ширхэг, гуравдугаар зэрэглэлийн түүх соёлын дурсгалууд 876 ширхэг байдаг байна.
Дурсгалт зүйлсээс нь хамгийн үнэ цэнтэй нь шинлүнвагийн соёлын хаш бөгж, Хуншань соёлын үүлэн хэлбэртэй хаш унжлага, дун шигтгээтэй өнгөт вааран таваг, Чинь гүрний үеийн төмөр сэрээ, Ляо гүрний гурван өнгөт Мандарин, Юань гүрний үеийн булшны ханын зураг, Чин гүрний үеийн алтаар шивсэн “Ганжуур судар” зэрэг бүтээл бийг онцолж байлаа.
