Монгол Хятадын сэтгүүлчдийн сурвалжлах баг Хятад улсын Хубэй мужийн Ухань хотын аялал жуулчлалын гол төв болсон Шар тогоруут цамхагт сүмд зочиллоо.
Тус цамхаг нь дэлхийн соёлын өвд бүртгэгдсэн Хубэй мужийн Ухань хот дах эртний хятадын соёлын түүхэн өв болсон Хуан Хөү Лөүн сүм Хөх мөрний зүүн эрэгт 1800 жилийн тэртээ баригдсан, Хөх нуурын зүүн эрэг дагуу байрлах могой уулын оройд баригдсан, байгалийн үзэмж тансаг байдал, дахин давтагдашгүй шинж, түүхэн дурсгалт соёлын үнэт өв гэдгээрээ дотоод гадаадын иргэд, жуулчдын сэтгэлийг соронзон мэт татдаг газар юм.
Хуан Хөү Лөүн буюу Шар тогоруут сүмийг МЭ 223 онд Зүүн Вугийн хаант улсыг үндэслэгч Сун Цюань Шиакоу цайзыг барьсны дараа Шар тогорууны далан дээр түүний нэрээр нэрлэсэн энэ цамхаг барьсан гэдэг.
Хятадын эртний Тан гүрний их найрагч Ли бай нарын олон шүлэгчид Шар тогоруут сүмийн талаар шүлэг дуулалдаа дурдсан байдаг аж.
Тус цамхаг Мин, Чин гүрний үед дайны болон гал түймэрт удаа дараа өртөж нийт 27 удаа засварлагдсан байна.
1981 онд Ухань хотын захиргаа эл цамхгийг цэцэрлэгт хүрээлэнгийн хамт сэргээн босгож эхэлсэн бөгөөд 1985 онд дуусгасан.
Уг цэцэрлэгт хүрээлэн цамхагт нийт 400 ажилчин албан хаагч ажилладаг бөгөөд жилдээ 20-25 сая дотоод гадаадын жуулчин хүлээн авдаг гэнэ.
