ИЗНН УИХ-д суудалтай болсноос хойш бүхэлдээ ураг төрлийн хамаарал бүхий хүмүүсээр намаа сэлгэсэн нь эргээд “цус ойртох”-д хүрчээ.

Энэ удаад бид ИЗНН-ын дарга Б.Батбаатарын хамаарал бүхий этгээдүүдийн мэдээллийг хүргэе.

Улсын Их хурлын гишүүн Б.Батбаатарын зөвлөх Нандин-Эрдэнэ Намын даргын "найз бүсгүй". ИЗНН-ын ЕНБД Мөнхжаргал нь Б.Батбаатарын төрсөн дүү Б.Батсайханы найз.

ИЗНН-ын Үндсэн дүрмийн хорооны гишүүд:

1. Б.Батсайхан - Б.Батбаатарын төрсөн дүү

2. Батсүрэн - Б.Батбаатарын төрсөн дүү Б.Батхуягийн найз

ИЗНН-ын Үндэсний хороо буюу төлөөллийн төв байгууллага:

1. Б.Батцэцэг - Б.Батбаатарын төрсөн эгч

2. Б.Батцэнгэл - Б.Батбаатарын төрсөн ах

3. Б.Батхүү - Б.Батбаатарын төрсөн дүү

4. Б.Батхуяг - Б. Батбаатарын төрсөн дүү

5. Б.Батчимэг - Б.Батбаатарын төрсөн охин

6.Б.Батдулам - Б.Батбаатарын төрсөн эгч Б.Батцэцэгийн охин

7. Б.Энхсайхан - Б.Батбаатарын дүү Б.Батхуягийн төрсөн хүү

8. О.Энхцэцэг - Б.Батбаатарын төрсөн дүү Б.Батхуягийн эхнэр

9. Б.Баясгалан - Б.Батбаатарын төрсөн ах Б.Батцэнгэлийн охин

10. Нандин-Эрдэнэ -Б.Батбаатарын "найз бүсгүй"

11. Энхболд - Б.Батбаатарын үеэл гэсэн хүмүүс байдаг аж.

Мөн Б.Батбаатарын төрсөн дүү Б.Батсайханы ангийн найз нөхөд, дүү Б.Батхуягийн ангийн найз нөхөд, ах Б.Батцэнгэлийн найзуудаар ИЗНН-ын Үндэсний хорооны гишүүдийн ихэнхийг нь бүрдүүлсэн байна.

ИЗНН-ын Улс төрийн зөвлөлийн гишүүдээр:

1.Б.Батцэцэг - Б.Батбаатарын төрсөн эгч

2 Б.Батцэнгэл - Б.Батбаатарын төрсөн ах

3. Б.Батхуяг - Б.Батбаатарын төрсөн дүү

4. Б.Батдулам - Б.Батбаатарын төрсөн эгч Б.Батцэцэгийн охин

5. О. Энхцэцэг - Б.Батбаатарын төрсөн дүү Б.Батхуягийн эхнэр

6. Б.Энхболд - Б.Батбаатарын үеэл

7. Нандинэрдэнэ - Б.Батбаатарын "найз бүсгүй" нараас бүрдддэг гэнэ.

Эндээс харвал ИЗНН-ын дарга Батын Батбаатар намынхаа Улс төрийн зөвлөлийн ихэнхийг зөвхөн өөрийн төрсөн ах дүүс, тэдгээрийн найз нөхөд, үр хүүхдээр нь бүрдүүлсэн нь энэ намд ямар ч тохиолдолд жирийн гишүүд, хамт олны үзэл санаа тусах боломжгүй төдийгүй зөвхөн ИЗНН-ын дарга Б.Батбаатар намаа хувийн компани шиг удирдаж, улс төрийн зөвлөлөөрөө зөвхөн өөрт таалагдах, өөрсөддөө ашигтай шийдвэр гаргуулах нөхцөл үүссэн аж.

Үргэлжлүүлэн бид Байгаль орчин, уур амьсгалын өөрчлөлтийн сайд Б.Батбаатар яамандаа хамаарал бүхий ямар хүмүүсийг ажилд авсныг баримттайгаар өгүүлнэ...

Ц.Мөнх

Амлалт.мн