Монгол Ардын нам өнгөрсөн долоо хоногт Их хурлаа хуралдуулж, намын даргаа сонгосон бол энэ долоо хоногийн эхээр Бага хурлаа хуралдуулан, МАН-ын УЗ-ийн гишүүдийг шинэчлэн баталлаа.

Эрх баригч МАН-ын УЗ-ийн гишүүнээр сонгогдсон зарим хүмүүсийг харахад МАН авлига, албан тушаалын гэмт хэрэгтнүүд, цагаан захтай “хулгай”-чидтайгаа тэмцэх нь худлаа боллоо гэж хэлэх хүмүүс олон байна.

Ингэж хэлэхийн учир нь албан тушаалын хэрэгт нэр холбогдсон хүмүүсийг хамгаалж, Төрийн эрхийг хууль бусаар авахаар оролдож, Үндсэн хууль зөрчин Ерөнхий сайдыг огцруулсан гэх Х.Булгантуяа, энэ асуудлыг УИХ дээр дэмжиж, түүнтэй үгсэн хуйвалдсан байж болзошгүй УИХ-ын гишүүн Ж.Бат-Эрдэнэ, Н.Мандхай, Г.Тэмүүлэн нар болон Соёлын сайдаар ажилаж байхдаа татвар төлөгчдийн мөнгийг үнэгүйдүүлсэн Ч.Номин, Татвар төлөгчдийн мөнгөөр шинэ автобус аьлаа хэмээн олон нийтийг хуурч, капитал засвар хийсэн хуучин ногоон автобус оруулж ирсэн хэргээс болж, улс төрийн хариуцлага хүлээж Хотын даргын үүрэгт ажлаа өгсөн Д.Сумъяабазар, нүүрсний хулгайн анхны 17 хүний нэрэнд нэр нь багтаж байсан Өмнөговь аймгаас сонгогдсон гишүүн Н.Наранбаатар, орон гэртээ, гал тогооныхоо өрөөндөө бусдын эр ннөхөртэй "учир ургуулж", төрүүлсэн охиноо “би чамайг тэжээж байна” хэмээн агсарч үсдэн зодож байсан УИХ-ын гишүүн Ч.Ундрам, Намбарын Энхбаярын "эрх банди” Э.Батшугар, иргэд нэгэнт итгэл үзүүлээгүй, УИХ-ын гишүүнээр сонгоогүй М.Оюунчимэг, Ч.Хүрэлбаатар, Ц.Цогзолмаа, даргын туслахаар ажиллахаа том ментор гэж итгэдэг "памперстай бацаан" М.Цэлмүүн нарын Төрийн эрхийг "хууль бусаар авах"-ыг санаархагсад, Үндсэн хууль зөрчигсөд, хулгай худалд нэр холбогдогсод, иргэдийн сонголтоор улс төрөөс тэтгэвэрт гарагсад, цүнх баригсадын төлөөллийг УЗ-даа багтаажээ.

Ийм шалтгааны улмаас МАН-ын УЗ-ийн шинэ гишүүдэд иргэд олон нийтийн зүгээс таагүй хандаад эхэлсэн байна.

Дээр нь МАН-ын УЗ-д ийм хүмүүсийн төлөөлөл орж байгаа нь МАН-ын шинэ дарга Н.Учралын болон Ерөнхий сайд Г.Занданшатарын хэлсэнчлэн “авлига, хулгай”-тай эвлэрэхгүй гэдэг нь "хоосон үг" бөгөөд ажил хэрэг болж явахгүй нь тодорхой боллоо гэж ажиглагчид хэлж байна.

Төрөөс төрсөн тэрбумтнууд, эрх мэдэл албан тушаалын гэмт хэрэгтэй тэмцэнэ гэх атлаа “өнөөдүүлээ” орой дээрээ залчихсан байж яаж тэмцэх вэ гэж МАН-ын дарга Н.Учралаас асуух хүмүүс олон байна.

Ц.Мөнх

Amlalt.mn