ИЗНН-ын дэргэдэх "Хангарьд" жигүүрийн төлөөлөл болох УИХ-ын гишүүн Р.Батболд, ИЗНН-ын Тэргүүн дэд дарга С.Батболд, Дэд дарга Т.Бат-Эрдэнэ, Намын даргын зөвлөх Д.Амгалан тэргүүтэй 40 гаруй гишүүд өнөөдөр Пума империал зочид буудлын хурлын танхимд хуралдаж, ИЗНН-ын Онц их хурлыг хуралдуулахыг намын даргын үүрэг гүйцэтгэгч Б.Батбаатарт хандан шаардлага хүргүүллээ.
ИЗНН-ын дарга Б.Батбаатарыг “Намын даргын үүрэг гүйцэтгэгч” гэж хэлэх болсны шалтгаан нь өнгөрсөн жил буюу 2025 онд ИЗНН дүрмээ батлуулахаар Улсын дээд шүүхэд удаа дараа өгсөн боловч Дээд шүүхээс 4 удаа ИЗНН-ын дүрмийг буцаажээ.
Улс төрийн намын тухай хуульд зааснаар намууд 2025 онд багтаж Улсын дээд шүүхэд хандан намын дүрэм, намын даргаа батлуулах ёстой ч энэ үүргийн ИЗНН-ын дарга 4 удаа биелүүлж чадаагүй учир түүнийг намын дарга гэж үзэх боломжгүй, цаашид ИЗНН-ыг Б.Батбаатар төлөөлөх чадамжгүй гэдгийг ИЗНН-ын Тэргүүн дэд дарга С.Батбаатар хэллээ.
Мөн 2025 оны 5 сард Улсын дээд шүүхээс ИЗНН-ын дарга Б.Батбаатарыг намын даргаар батламжлах боломжгүй тухай дүгнэлтээ гаргасан бөгөөд өнгөрсөн жилд багтаан дүрмийн шинэчлэлээ батламжлуулах үүргийг хэрэгжүүлж чадаагүй Батын Батбаатарыг ИЗНН-ын дарга гэж үзэх хууль зүйн үндэслэлгүйг тэрбээр онцоллоо.
ИЗНН-ын “Хангарьд” жигүүрийн хуралдаанаас ИЗНН-ын нц Их хурлын нэн яаралтай зарлан хуралдуулах, ИЗНН-ын дүрмийг Улсын дээд шүүхээс дөрвөн удаа буцаасан асуудлыг Намын Онц их хурлаар авч хэлэлцэн, дүрмийн шинэчлэлийг хуулийн фермд төлбөр төлж гүйцэтгүүлэх бус харин хууль журамд нийцүүлэн, намын анхан дунд шатны гишүүдийн дуу хоолой, оролцоог ханган шинэчлэн боловсруулах, намын даргын үзэмжээр бус ардчилалын зарчмаар сонгон шалгаруулалтыг явуулж намын удирдах багийн гишүүдийг сонгодог болох, 2025 онд багтааж намын дүрмээ шинэчлэлийг дөрвөн удаа дараалан хандсан ч Улсын дээд шүүхэд бүртгүүлж чадаагүй ИЗНН-ын даргын үүргийг гүйцэтгэгч Б.Батбаатарыг хариуцлага тооцох, намын даргаас нь чөлөөлөх, намын санхүүжилтийг хөндлөнгийн аудитын байгууллагаар шалгуулах зэрэг шаардлагыг ИЗНН-ын даргын үүргийг гүйцэтгэгч Б.Батбаатарт хандан гаргаж, намын нийт гишүүддээ Намын Онц их хурлын нэн яаралтай хуралдуулахад идэвхтэй оролцохыг уриаллаа.
“Хангарьд” жигүүрийн гишүүд индэрт гарч ИЗНН-ын даргын үүргийг гүйцэтгэгч Б.Батбаатар нь УИХ-ын сонгуулиар намын гишүүддээ хандан хэлж байсан үг, үйлдэл нь зөрсөн, ИЗНН нэг хүний засаглалд автсан, намын санхүүжилт шударга бус болсон, өөрт хамаарал бүхий этгээдүүдээр намын удирдах багийг бүрдүүлсэн зэрэг олон санал шүүмжлэлийг хэлж байлаа.
Amlalt.mn
