“Асах Гэрэл Баясал” төвөөс санаачлан “Аутизм ба Боловсрол” Олон улсын конференцийг Улаанбаатар хотод 2026 оны 04 дүгээр сарын 01-ний өдөр амжилттай зохион байгуулсан.
Тус үйл ажиллагаанд Аутизмтай хүүхдийн хэл яриаг дэмжих нь, Аутизмыг эрт илрүүлж, ABA аргыг ашиглан нийгмийн ур чадвар болон зан үйлийн сайн сайхан байдлыг дэмжих нь, ABA-Хэрэглээний зан үйлийн шинжилгээ, Шинжлэх ухаан ба эерэг хандлага сэдвүүдийн хүрээнд АНУ-ын Мэргэжлийн Зан Үйл Судлаачдын Холбооны удирдлага, гишүүн, Олон улсын Зан Үйл судлаач нар илтгэл танилцуулж, багш, эцэг эх, мэргэжилтнүүдийн сонирхсон асуултын хүрээнд зөвлөгөө, мэдээлэл өгч, ажилласан юм.
Боловсролын ерөнхий газрын дарга Т.Ням-Очир, Тэгш хамруулах боловсролын хэлтсийн дарга Э.Чулуунхишигт нар АНУ-д төвтэй "Мэргэшсэн Зан Үйл Судлаачдын Холбоо(BACB)"-ны Олон улсын хөгжил хариуцсан захирал Нейл Мартин, “Асах Гэрэл Баясал” төвийн захирал Г.Оюунчимэг, МУБИС-ийн Боловсрол судлалын сургуулийн Тусгай хэрэгцээт боловсролын тэнхимийн эрхлэгч Ч.Байгалмаа нарыг хүлээн авч уулзлаа.
Уулзалтаар "Мэргэшсэн Зан Үйл Судлаачдын Холбоо(BACB)"-ны үйл ажиллагаа болон Монгол Улсын тэгш хамруулах боловсролын өнөөгийн нөхцөл байдал, ялгаатай хэрэгцээтэй хүүхэдтэй ажиллах чиглэлээр багшийг мэргэшүүлэх, Зан үйл заслын магистрын хөтөлбөрийг хэрэгжүүлэх хэрэгцээ шаардлагын талаар мэдээлэл солилцож, хамтын ажиллагааны боломжийг танилцууллаа.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!