ИЗНН хоёр хуваагдаж, хоёр даргатай болчихсон мэт нөхцөл байдалтай явж ирсэн.
Гэвч үнэндээ, ИЗНН-ын экс дарга Б.Батбаатар намынхаа дүрмийг Улсын дээд шүүхэд бүртгүүлж чадаагүй 4 удаа буцаалгасан, намын дотоод ардчилалгүй ажилласан, ах дүүс найз нөхдөөрөө намын удирдах албан тушаалтныг "дүүргэсэн" гэх олон шалтгааны улмаас ИЗНН-ын гишүүд Онц их Хурлаа 2026 оны 3 сарын 09-ны өдөр зарлан хуралдуулж, 400 гаруй гишүүд оролцон, ИЗНН-ын даргаар УИХ-ын гишүүн Р.Батболдыг сонгож, намын дүрмийн шинэчлэлээ баталж, УДШ-д бүртгүүлэхээр хандсан байдаг. Энэ дагуу Монгол Улсын дээд шүүхийн Захиргааны хэргийн танхимын нийт шүүгчийн 2026 оны 04 дүгээр сарын 23-ны хуралдаанаар хоёр асуудал хэлэлцжээ. Тодруулбал,
1. Монголын ногоон намын ээлжит бус XX Их хурлаар намын даргаар А.Ундраа сонгогдсоныг болон намын дүрэм (шинэчилсэн найруулга)-ийг бүртгүүлэх тухай өргөдөл;
2. Иргэний зориг ногоон нам (ИЗНН)-ын Онц Их хурлаас сонгогдсон гэх намын дарга Р.Батболдыг болон дүрмийн өөрчлөлт (шинэчилсэн)-ийг тус тус бүртгүүлэх тухай өргөдлийг хэлэлцсэн байна.
Улс төрийн намуудын дээрх өргөдлүүдийг Монгол Улсын дээд шүүхийн нийт шүүгчийн хуралдаанаар хэлэлцүүлэхээр шийдвэрлэжээ.
Сануулахад, өнгөрсөн баасан гарагт ИЗНН-ын Б.Батбаатар талаас УИХ-ын гишүүн, ИЗНН-ын дарга Р.Батболдыг "Намын дүрмийг ноцтойгоор зөрчсөн" гэх үндэслэлээр ИЗНН-ын гишүүнчлэлээс хасаж буй талаар мэдэгдсэн юм.
Amlalt.mn
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!