Нүүрсний хулгайг илрүүлэхийг хүссэн жагсаал олон юм илрүүлж байна. Жагсаалын автор зургаа, долоон субъекттэйг илрүүллээ. Бүх том дарга нарын төлөөлөл байна. Гэхдээ бүх ард түмний төлөөлөл нь онцгой их байна. Тэгэх учиртай.
Намын Генсекийн шургуулсан төлөөллүүд нам засаг, төр , хаа хаанаа үл итгэлцэл үүсгэлээ гээд, доор дооргүй л шуугиж байна.
Ерөнхийлөгч У.Хүрэлсүх хуулийнханыг дуудаж загнаад, ажлыг нь хүчлүүлж түлхээд юутай ч нүүрсний авлигачдыг зарлуулж чадлаа. Эзэн биетэй хулгайг илрүүлж эхэллээ. Энэ маш том ололт. Ардын намаас нэрлэгдсэн гэгдэх, АТГ-аас нэрлэгдсэн Ардын намаас УИХ-д сонгогдсон таван гишүүн үгээ хэлж эхэллээ. Уурсаж эхэллээ.
Нам засаг, түүний үгийг дамжуулдаг хэвлэл сайтад мөнөөх тавыг ямар нэгэн сэжимтэй, шатахуун шахсан, Ариунболдын арын хүн гэх мэтээр “илрүүлсэн” үг дайсан харагдана. Нэрлэгдсэн таван гишүүн ч биднийг дээрэлхлээ, харин ч азтай, одоо жинхэнэ хулгайчдыг илрүүлж өгнө гэлээ. Ш.Раднаасэд гишүүн тэр Сумъяабазар аа, тэр Женкогоо барьж шалга л даа, та нар, тийм л овоо юм бол гээд, УИХ-ын танхимд ил тод хэлж байна.
Юм юм илрээд л байна. Илрээд байна гэснээс Үндэсний аюулгүй байдлыг зөвлөл оффтейкийн гэрээг нууцалсан, эзэд нь гурван хүн, тодорхой гээд янз бүрээр ярьж байна. Энүүхэндээ гэхэд энэ зөвлөлийн тэргүүн нь Ерөнхийлөгч, тэрүүхэндээ гэхэд түүний үзэмж , даргалал шийдвэрт голлодогийг хуулийнхан хэлж байна, олон түмэн ч ярьж байна.
Хаана хаанаа тос ус нь ялгараад, том жижиггүй энх амар тогтоосой, улс дэвжээсэй билээ дээ.
Б.Санаагариг
Амлалт.мн
